മധ്യപ്രദേശിലെ മൊറേനയിൽ ആത്മഹത്യ ചെയ്യുന്ന റീൽ ഷൂട്ട് ചെയ്യാൻ ശ്രമിച്ച ഏഴാം ക്ലാസുകാരന് ദാരുണാന്ത്യം. ശനിയാഴ്ചയാണ് സംഭവം. കരൺ പാർമർ എന്ന ഏഴാംക്ലാസുകാരാണ് റീൽ ചിത്രീകരിക്കുന്നതിനിടെ ദാരുണാന്ത്യമുണ്ടായത്. ശനിയാഴ്ച മൊറേനയിലെ അംബാ ടൌണിൽ നടന്ന സംഭവത്തിന്റെ ദൃശ്യങ്ങളാണ് പുറത്ത് വന്നത്. കളിക്കുന്നതിനിടെയാണ് ആത്മഹത്യ ചെയ്യുന്നതായുള്ള വീഡിയോ തമാശയ്ക്ക് ചിത്രീകരിക്കാൻ കുട്ടികൾ തീരുമാനിക്കുന്നത്.
മരത്തിൽ കയർ കെട്ടി കഴുത്തിലിട്ട് കരൺ ആത്മഹത്യ അഭിനയിച്ചു. ഒപ്പമുണ്ടായിരുന്നവർ അത് ചിത്രീകരിക്കുകയും ചെയ്തു. കയർമുറുകി മരണത്തോട് മല്ലടിക്കുമ്പോഴും അതും അഭിനയമെന്ന് കരുതി കൂട്ടുകാർ പ്രോത്സാഹിപ്പിക്കുന്നത് ദൃശ്യങ്ങളിലുണ്ട്. ബോധമറ്റ് വീണ കുട്ടിയെ വിവരമറിഞ്ഞെത്തിയ മുതിർന്നവരാണ് ആശുപത്രിയിലെത്തിച്ചത്. പക്ഷെ ജീവൻ രക്ഷിക്കാനായില്ല.
