ആലുവ: ഓടിക്കൊണ്ടിരുന്ന അംബാസിഡർ കാറിന് തീപിടിച്ചു. ഇരിങ്ങോൾ വൈദ്യശാലപ്പടി പെട്രോൾ പമ്പിന് സമീപം ഇന്ന് രാവിലെ 9 മണിയോടെയായിരുന്നു സംഭവം. കുറുപ്പുംപടി മുടിക്കരായി സ്വദേശി ജോർജിന്റെ കാറിനാണ് തീപിടിച്ചത്.
കാറിൽ നിന്ന് പുക ഉയരുന്നത് കണ്ട യാത്രക്കാർ പുറത്തേക്കിറങ്ങി ഓടിയതിനാൽ വൻ അപകടമാണ് ഒഴിവായത്. ഫയർഫോഴ്സ് സ്ഥലത്തെത്തി കാറിലെ തീ നിയന്ത്രണ വിധേയമാക്കിയപ്പോഴേക്കും കാർ ഭാഗികമായി കത്തി നശിച്ചിരുന്നു. അതേസമയം എങ്ങനെയാണ് കാറിൽ തീ പടർന്നതെന്നുള്ള കാര്യത്തിൽ വ്യക്തത വന്നിട്ടില്ല.
