കുവൈത്ത് സിറ്റി: മുബാറക്കിയയിലെ കുവൈത്ത് ആർമിയുടെ ക്യാമ്പിൽ തീപിടിത്തം. ഞായറാഴ്ച ഉച്ചയോടെ വെയർഹൗസിലാണ് തീപിടുത്തമുണ്ടായത്. ക്യാമ്പുകളിലെ ലോക്കൽ സപ്ലൈ അഡ്മിനിസ്‌ട്രേഷന്റെ ഭാഗമായ ഫർണിച്ചറും സ്റ്റേഷനറി സാധനങ്ങളും അടങ്ങിയ ഗോഡൗണിലാണ് അപകടമുണ്ടായത്. സ്ഥലത്തെത്തിയ ആർമി ഫയർ ഡിപ്പാർട്ട്‌മെന്‍റിന്‍റെ അഗ്നിശമന സേന തീയണച്ചു.
Also Read: അപ്ഡേറ്റ് ചെയ്തില്ല; 249 പേരുടെ വിലാസങ്ങൾ നീക്കി
തീപിടിത്തത്തിന് പിറകെ പ്രദേശത്ത് ഉയർന്നുപൊങ്ങിയ പുക സുരക്ഷയെയും അഗ്നിശമന പരിപാലനത്തെയും കുറിച്ച് ആശങ്ക ഉയർത്തി. രക്ഷാപ്രവർത്തനത്തിനായി ഫയർഫോഴ്സിൽ നിന്നുള്ള അധിക ടീമുകളും സ്ഥലത്തെത്തിയിരുന്നു. മണിക്കൂറുകളെടുത്താണ് തീ ആളിപ്പടരാതെ നിയന്ത്രണ വിധേയമാക്കിയത്.
അപകടത്തിൽ ആർക്കും പരുക്കില്ല. തീപിടിത്തത്തിലെ നാശനഷ്ടങ്ങൾ സംബന്ധിച്ചും മറ്റും വിലയിരുത്തിവരികയാണ്.
