ബീജിങ്: പരീക്ഷയില്‍ പരാജയപ്പെട്ടതിന്റെ ദേഷ്യം തീർക്കാൻ മുൻ വിദ്യാർഥി കോളേജിലെത്തി കൊലപ്പെടുത്തിയത് എട്ട് പേരെ. ജിങ്‌സു പ്രവിശ്യയിലെ യിക്‌സിന്‍ സിറ്റിയില്‍ പ്രവര്‍ത്തിക്കുന്ന വക്‌സി വൊക്കേഷണല്‍ ഇന്‍സ്റ്റിറ്റ്യൂട്ട് ഓഫ് ആര്‍ട്‌സ് ആന്‍ഡ് ടെക്‌നോളജി എന്ന സ്ഥാപനത്തിലാണ് സംഭവം. ആക്രമണത്തില്‍ 17 പേര്‍ക്ക് പരിക്കേറ്റിട്ടുണ്ട്.
Also Read: എം.ഡി.എം.എയെ വെല്ലുന്ന ഹൈബ്രിഡ് കഞ്ചാവ്; കേരളത്തിലും വ്യാപകമാകുന്നു
ഈ വര്‍ഷം ബിരുദപഠനം പൂര്‍ത്തിയാക്കേണ്ട 21 കാരനായ പ്രതി പരീക്ഷയില്‍ പരാജയപ്പെടുകയായിരുന്നു. ഇതിന്റെ ദേഷ്യം തീര്‍ക്കാന്‍വേണ്ടിയാണ് കത്തിയുമായി ഇയാൾ കോളേജിലെത്തിയത്. തുടർന്നാണ് പ്രതി അക്രമം അഴിച്ചുവിട്ടത്. പ്രതി പൊലീസിൽ കുറ്റം സമ്മതിച്ചിട്ടുണ്ട്. ചൈനയില്‍ അടുത്തിടെയായി ഇത്തരം അക്രമ സംഭവങ്ങൾ വർധിച്ചുവരുകയാണ്.
നേരത്തെ ഷുഹൈ സിറ്റിയില്‍ 62 കാരന്‍ 35 പേരെ കാര്‍ ഇടിച്ചുകയറ്റി കൊന്നിരുന്നു. കഴിഞ്ഞ ഒക്ടോബറില്‍ ഷാങ്ഹായില്‍ സമാനമായ സംഭവം നടന്നിരുന്നു.
