റിയാദ്: കുടുംബസമേതം റിയാദിൽ താമസിക്കുന്ന കോഴിക്കോട് സ്വദേശിയായ മലയാളി അസുഖത്തെ തുടർന്ന് മരിച്ചു. കോഴിക്കോട് കക്കോടി പാലത്ത് മണ്ടോടി വീട്ടിൽ ഷഹീദ് (57) ആണ് റിയാദിലെ ദറിയ ആശുപത്രിയിൽ മരിച്ചത്. റിയാദിൽ നിന്നും 80 കിലോമീറ്റർ അകലെ സദൂസ് എന്ന സ്ഥലത്താണ് കുടുംബവുമായി കഴിഞ്ഞിരുന്നത്. സ്വകാര്യ കമ്പനി ജീവനക്കാരനായിരുന്നു മരിച്ച ഷഹീദ്.
അതേസമയം മൃതദേഹം നാട്ടിൽ കൊണ്ടുപോകുന്നതിനുള്ള നടപടികൾ പൂർത്തീകരിക്കാൻ മകൻ ഫായിസിനോടൊപ്പം റിയാദ് കെ.എം.സി.സി വെൽഫെയർ വിങ് ഭാരവാഹികളായ റഫീഖ് പുല്ലൂർ, റഫീഖ് ചെറുമുക്ക്, റിയാസ് തിരൂർക്കാട്, നജീബ് നെല്ലാംകണ്ടി എന്നിവർ രംഗത്തുണ്ട്.
