മുംബൈ: ചെറിയൊരു സ്ഥലം കിട്ടിയാല്‍ അവിടെ കേറി ഒളിക്കുന്ന ഒന്നാണ് പാമ്പ്. കാണുന്ന സ്ഥലത്തും എന്നാല്‍ കാണാന്‍ പറ്റാത്ത സ്ഥലത്തും ഇവ ഒളിക്കാറുണ്ട്. ഇപ്പോഴിതാ ഉരുളക്കിഴങ്ങ് പെട്ടിക്കുള്ളില്‍ ഒളിച്ചിരിക്കുന്ന പാമ്പിന്റെ വാര്‍ത്തയാണ് പുറത്തുവരുന്നത്. മഹാരാഷ്ട്രയിലെ ചന്ദ്രാപൂരില്‍ ഒരു ഹോട്ടലില്‍ സൂക്ഷിച്ചിരുന്ന ഉരുളക്കിഴങ്ങ് പെട്ടിക്കുള്ളില്‍ കണ്ടെത്തിയത് എട്ടടി നീളമുള്ള പെരുമ്പാമ്പിനെയാണ്.
ഹോട്ടലിലെ ജീവനക്കാരന്‍ ഉരുളക്കിഴങ്ങ് എടുക്കാന്‍ പോയപ്പോഴാണ് ചുരുണ്ടുകൂടി കിടന്ന പാമ്പിനെ കണ്ടത്. പെട്ടി തുറന്നപ്പോള്‍ പാമ്പിനെ കണ്ടതോടെ ജീവനക്കാരന്‍ ഭയന്ന് പുറത്തേക്കോടി. ഉടന്‍ തന്നെ ഹോട്ടല്‍ ഉടമ പ്രദേശത്തെ പാമ്പുപിടിത്തക്കാരനെ വിവരമറിയിച്ചു. അദ്ദേഹം എത്തി പാമ്പിനെ ഉരുളക്കിഴങ്ങ് പെട്ടിയില്‍ നിന്ന് ചാക്കിലേക്ക് മാറ്റി. പിന്നീട് ലോഹറയിലെ വനത്തില്‍ പെരുമ്പാമ്പിനെ തുറന്നുവിട്ടു.
