തിരുവനന്തപുരം: വിവാഹ വാഗ്ദാനം നൽകി പതിനേഴുകാരിയെ തട്ടിക്കൊണ്ടുപോയി പീഡിപ്പിച്ച കേസിൽ മൂന്നുപേരെ അറസ്റ്റ് ചെയ്തു. ചേരമാൻ തുരുത്ത് കടയിൽ വീട്ടിൽ തൗഫീഖ് (24), പെരുമാതുറ സ്വദേശികളായ അഫ്സൽ (19), സുൽഫത്ത് (22) എന്നിവരാണ് പൊലീസിന്റെ പിടിയിലായത്.
പെൺകുട്ടിയെ കാണാത്തതിനെ തുടർന്ന് വീട്ടുകാർ പരാതി നൽകുകയായിരുന്നു. തുടർന്നുള്ള അന്വേഷണത്തിൽ തിരൂരിൽ നിന്നാണ് പ്രതികളെ പിടികൂടിയത്. പൊലീസ് പിന്തുടരുന്നുവെന്ന് മനസിലാക്കിയ പ്രതികൾ രക്ഷപ്പെടാൻ ശ്രമിക്കുന്നതിനിടെ പിടികൂടുകയായിരുന്നു.
Also Read: അമ്മയും മകനും മരിച്ച നിലയിൽ
തട്ടിക്കൊണ്ടുപോകലിന് കേസെടുത്ത ശേഷമാണ് പ്രതികൾ പെൺകുട്ടിയെ പീഡിപ്പിച്ചതായി അന്വേഷണത്തിൽ കണ്ടെത്തിയത്. തുടർന്ന് പ്രതികൾക്കെതിരെ പോക്സോ കേസും കൂടി രജിസ്റ്റർ ചെയ്തു. പ്രതികളെ പിന്നീട് ആറ്റിങ്ങൽ കോടതിയിൽ ഹാജരാക്കിയ ശേഷം റിമാൻഡ് ചെയ്തു.
