പാലക്കാട് സ്കൂട്ടറിൽ ടാങ്കർ ലോറിയിടിച്ച് ഒരാൾ മരിച്ചു

പാലക്കാട്: സ്കൂട്ടറിൽ ടാങ്കർ ലോറിയിടിച്ച് യാത്രികൻ മരിച്ചു. വടക്കഞ്ചേരി പന്നിയങ്കര ടോൾ പ്ലാസയ്ക്ക് സമീപമാണ് അപകടം. തേൻകുറിശ്ശി അമ്പലനട ഉണ്ണികൃഷ്ണൻ (43) ആണ് മരിച്ചത്. ടാങ്കർ ലോറി സ്കൂട്ടറിൽ ഇടിച്ചതോടെ ഉണ്ണികൃഷ്ണൻ റോഡിലേക്ക് വീഴുകയും ഈ ലോറിയുടെ ചക്രം ഉണ്ണികൃഷ്ണന്റെ തലയിലൂടെ കയറി ഇറങ്ങി സംഭവ സ്ഥലത്ത് തന്നെ ഉണ്ണികൃഷ്ണൻ മരിക്കുകയുമായിരുന്നു. നിർത്താതെ പോയ വാഹനം നാട്ടുകാർ പിന്തുടർന്ന് പിടികൂടി വടക്കഞ്ചേരി പോലീസ് സ്റ്റേഷനിൽ എത്തിച്ചു.