കൊച്ചി: കൊച്ചിയിലെത്തിയ എയര്‍ ഇന്ത്യ എക്സ്പ്രസ് വിമാനത്തിന് ബോംബ് ഭീഷണി. വിമാനത്തിന്റെ സീറ്റില്‍ നിന്നാണ് ടിഷ്യു പേപ്പറില്‍ എഴുതിയ ഭീഷണി സന്ദേശം ലഭിച്ചത്. രാവിലെ 8.45 ന് കൊച്ചിയിലെത്തിയ വിമാനം പിന്നീട് 9.30 ന് തിരികെ ഡല്‍ഹിക്ക് പോകേണ്ടതായിരുന്നു. എന്നാല്‍ ഭീഷണി സന്ദേശം ലഭിച്ചതിന് പിന്നാലെ വിമാനത്തിലും വിമാനത്താവളത്തിലും വിശദമായ പരിശോധന നടത്തി.
പ്രോട്ടോക്കോള്‍ പ്രകാരം നടത്തിയ പരിശോധനയില്‍ സംശയകരമായി യാതൊന്നും ലഭിച്ചില്ല. തുടര്‍ന്ന് പകല്‍ 11 മണിയോടെയാണ് വിമാനം ഡല്‍ഹിക്ക് പുറപ്പെട്ടത്. സംഭവത്തിന് പിന്നാലെ ടിഷ്യു പേപ്പറില്‍ ഭീഷണി സന്ദേശം എഴുതിവെച്ചയാള്‍ക്കായി അന്വേഷണം തുടങ്ങി. വിമാനത്തില്‍ ഡല്‍ഹിയില്‍ നിന്ന് കൊച്ചിയിലെത്തിയ യാത്രക്കാരെ കേന്ദ്രീകരിച്ചാണ് അന്വേഷണം നടക്കുന്നത്.
