ബംഗളൂരു: കർണാടകയിലെ ബെലാഗാവിൽ വീടിനുള്ളിൽ കളിച്ചുകൊണ്ടിരിക്കുകയായിരുന്ന കുട്ടികളെ രണ്ടംഗ സംഘം തട്ടിക്കൊണ്ടുപോയി. മൂന്നും നാലും വയസുള്ള കുട്ടികളെയാണ് തൊപ്പി ധരിച്ച രണ്ട് പേർ അടച്ചിട്ട ഗേറ്റ് തുറന്ന് തോളിലിട്ട് തട്ടിക്കൊണ്ടുപോയത്.
സംഭവത്തിന്റെ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിക്കുകയാണ്. വീടിനുള്ളിൽ കയറി കുട്ടികളെ തട്ടിയെടുത്ത് പുറത്തേക്ക് ഓടുന്നതും കാറിൽ കയറ്റി കൊണ്ടുപോകുന്നതും ദൃശ്യങ്ങളിലുണ്ട്. സ്കൂളിൽ നിന്നും മടങ്ങിയെത്തിയ കുട്ടികളെ പിന്തുടർന്നെത്തിയതാകാം പ്രതികളെന്നാണ് നിഗമനം. സംഭവത്തിൽ പൊലീസ് അന്വേഷണം ശക്തമാക്കിയിട്ടുണ്ട്.
