കോഴിക്കോട്: റോഡിൽ ഓടിക്കൊണ്ടിരിക്കുന്ന ബൈക്കിൽ യുവാവിന്റെ അഭ്യാസ പ്രകടനം. അപകടകരമായ രീതിയിൽ യുവാവ് ബൈക്ക് ഓടിക്കുന്നതിന്റെ രാത്രിയിലെ ദൃശ്യങ്ങളാണ് ഇപ്പോൾ പുറത്ത് വന്നത്. മാവൂർ- ചുള്ളിക്കാപറമ്പ് റോഡിൽ കഴിഞ്ഞ ദിവസം രാത്രിയാണ് അപകടമുണ്ടാകുന്ന രീതിയിൽ യുവാവ് വണ്ടിയോടിച്ചത്.
വേഗതയിൽ പോവുന്ന ബൈക്കിൽ കൈവിട്ടും കാൽ പൊക്കിയുമാണ് അഭ്യാസ പ്രകടനം. പുറകിലുണ്ടായിരുന്ന കാറിലെ യാത്രക്കാരാണ് രാത്രിയിൽ റോഡിൽ നടന്ന അഭ്യാസ പ്രകടനത്തിന്റെ വീഡിയോ ചിത്രീകരിച്ചത്.
