ന്യൂഡൽഹി: ലഡാക്കിൽ സൈനിക പരിശീലനത്തിനിടെ ടാങ്ക് അപകടത്തിൽപ്പെട്ട് അഞ്ച് ഇന്ത്യൻ സൈനികർക്ക് ദാരുണാന്ത്യം. നദി കടക്കുന്നതിനിടെയാണ് സൈനികർ അപകടത്തിൽപ്പെട്ടതെന്നാണ് വിവരം.
ഒരു ജൂനിയർ കമ്മിഷൻഡ് ഓഫിസറും നാല് ജവാന്മാരുമായിരുന്നു ടാങ്കിലുണ്ടായിരുന്നത്. ഒരാളുടെ മൃതദേഹം കണ്ടെത്തിയതായും മറ്റ് നാലു പേർക്കായി തിരച്ചിൽ തുടരുകയാണെന്നും പ്രതിരോധ വൃത്തങ്ങൾ അറിയിച്ചു.
