ചെന്നൈ; തമിഴ്നാട്ടിലെ തിരുവള്ളൂരിൽ വാഹനാപകടത്തിൽ 5 വിദ്യാർഥികൾക്കു ദാരുണാന്ത്യം. 2 പേർക്കു ഗുരുതര പരുക്ക്. ചെന്നൈ എസ്ആർഎം കോളജിലെ വിദ്യാർഥികളാണ് അപകടത്തിൽപ്പെട്ടത്.
തിരുവള്ളൂർ ജില്ലയിലെ രാമഞ്ചേരിയിൽവച്ച് വിദ്യാർഥികൾ സഞ്ചരിച്ച കാറും മറ്റൊരു ട്രക്കും തമ്മിൽ കൂട്ടിയിടിക്കുകയായിരുന്നു. വിനോദയാത്രയ്ക്കു ശേഷം ആന്ധ്രപ്രദേശിൽനിന്നും മടങ്ങുന്നതിനിടെയാണു വിദ്യാർഥികൾ അപകടത്തിൽപ്പെട്ടത്. പരുക്കേറ്റവരെ ആശുപത്രിയിൽ പ്രവേശിപ്പിച്ചു. സംഭവത്തിൽ കേസ് റജിസ്റ്റർ ചെയ്തു.
