താൻ ഒരിക്കലും പാൻ മസാല ബ്രാൻഡുകളെ പ്രമോട്ട് ചെയ്യില്ലെന്ന് നടൻ കാർത്തിക് ആര്യൻ. പരസ്യത്തിനായി നിരവധി പാൻ മസാല ബ്രാൻഡുകൾ തന്നെ സമീപിച്ചിരുന്നെന്നും അതെല്ലാം താൻ നിരസിക്കുകയായിരുന്നുവെന്ന് താരം പറഞ്ഞു.
‘പാൻ മസാലയുടെ പരസ്യത്തിനായി നിരവധി ബ്രാൻഡുകൾ എന്നെ സമീപിച്ചിരുന്നു. അതൊക്കെ ഞാൻ നിരസിച്ചിരുന്നു. അവർ ഒരുപാട് ഓഫറുകൾ നൽകി. അതുപോലെ പ്രലോഭിപ്പിക്കാനും ശ്രമിച്ചു. പക്ഷെ അതിലൊന്നും ഞാൻ കീഴ്പ്പെട്ടില്ല’- കാർത്തിക് ആര്യന്റെ വാക്കുകളാണിത്.
ALSO READ: ഗായ്സ്, ഇത് ബ്രേക്കപ്പ് തന്നെ ! അർജുന്റെയും മലൈകയുടെയും വൈറൽ പോസ്റ്റുകൾ അപ്രത്യക്ഷം
ബോളിവുഡിലെ ഒട്ടുമിക്ക സൂപ്പർ താരങ്ങളും പാൻ മസാലയുടെ പരസ്യത്തിൽ അഭിനയിക്കാറുണ്ട്. മുമ്പ് ഒരു പ്രമുഖ ബോളിവുഡ് നടൻ ഇത്തരമൊരു പരസ്യത്തിൽ അഭിനയിക്കുകയും വലിയ വിവാദമാകുകയും ചെയ്തിരുന്നു. അദ്ദേഹം പിന്നീട് ഇതിന്റെ പേരിൽ തന്റെ ആരാധകരോട് ക്ഷമാപണം നടത്തുകയും ചെയ്തിരുന്നു.
