തൃക്കരിപ്പൂർ: സിനിമയിൽ തിളങ്ങിയ നടിമാരൊക്കെ വിട്ടുവീഴ്ച ചെയ്തവരാണെന്ന പൊതുബോധമുണ്ടാക്കാൻ ഹേമ കമ്മിറ്റി റിപ്പോർട്ടും തുടർന്നുണ്ടായ ചർച്ചകളും വഴിവെച്ചുവെന്ന് നടൻ വിജയരാഘവൻ മാധ്യമങ്ങളോട്. മാണിയാട്ട് മാധ്യമപ്രവർത്തകരുടെ ചോദ്യത്തോട്‌ പ്രതികരിക്കുകയായിരുന്നു അദ്ദേഹം. സിനിമാക്കാരെല്ലാം മോശക്കാരാണ് എന്ന തരത്തിലാണ് മാധ്യമങ്ങൾ ചിത്രീകരിക്കുന്നത്.
ALSO READ: രാജ്യത്തെ തൊഴിലില്ലായ്മ നിരക്കില്‍ കേരളം രണ്ടാമത്
ഹേമ കമ്മിറ്റി റിപ്പോർട്ടിന്മേൽ നല്ല രീതിയിലാണ് പോലീസ് അന്വേഷണം പുരോഗമിക്കുന്നത്. നടീനടന്മാരെ അടച്ചാക്ഷേപിക്കുന്നത് ഒരിക്കലും അംഗീകരിക്കാനാകില്ല. റിപ്പോർട്ടിൽ പറയുന്ന കാര്യങ്ങൾ സിനിമാമേഖലയിൽമാത്രം നടക്കുന്നതല്ല. ചിത്രീകരണത്തിനിടയിൽ നടിമാർക്ക് കൂട്ടിന് ആളെ കൊണ്ടുവരാൻ സാധിക്കും. വേറെ ഏത് തൊഴിൽമേഖലയിൽ ഇങ്ങനെയൊരു സൗകര്യമുണ്ട് വിജയരാഘവൻ മാധ്യമങ്ങളോട് ചോദിച്ചു.
