ചെന്നൈ: ഇന്ത്യന്‍ പ്രീമിയര്‍ ലീഗിലെ ഫൈനലില്‍ സണ്‍റൈസേഴ്സ് ഹൈദരാബാദ് പരാജയപ്പെട്ടതില്‍ തനിക്ക് ദുഃഖമുണ്ടെന്ന് അമിതാഭ് ബച്ചന്‍.
ഏറ്റവും ഹൃദയഭേദകമായ കാര്യം ഒരു യുവതിയെ കാണുമ്പോഴാണ്. സണ്‍റൈസേഴ്സ് ഹൈദരാബാദിന്റെ ഉടമയായ യുവതി. ഫൈനലിലെ തോല്‍വിക്ക് ശേഷം അവര്‍ കണ്ണീരണിഞ്ഞു. ക്യാമറയില്‍ നിന്നും മറഞ്ഞുനില്‍ക്കാന്‍ ശ്രമിച്ചു. അവരുടെ അവസ്ഥയില്‍ താന്‍ ദുഃഖിതനാണ്. നാളെ മറ്റൊരു ദിവസമാണെന്നും കാവ്യ മാരനോട് അമിതാഭ് ബച്ചന്‍ പറഞ്ഞു.
മത്സരത്തില്‍ ഹൈദരാബാദ് മോശം പ്രകടനമാണ് പുറത്തെടുത്തത്. മികച്ചൊരു ടീമാണ് സണ്‍റൈസേഴ്സ്. സീസണില്‍ മുന്‍ മത്സരങ്ങളില്‍ നന്നായി കളിച്ച ടീം. എന്നാല്‍ ഫൈനലിലെ പ്രകടനം ഏറ്റവും അധികം നിരാശപ്പെടുത്തുന്നതാണെന്നും അമിതാഭ് ബച്ചന്‍ കൂട്ടിച്ചേര്‍ത്തു.
മത്സരത്തില്‍ ആദ്യം ബാറ്റ് ചെയ്ത സണ്‍റൈസേഴ്സ് ഹൈദരാബാദ് 113 റണ്‍സില്‍ പുറത്തായി. ഐപിഎല്‍ ഫൈനല്‍ ചരിത്രത്തിലെ ഏറ്റവും കുറഞ്ഞ സ്‌കോറാണിത്. സണ്‍റൈസേഴ്സിന്റെ ഐപിഎല്ലിലെ ഏറ്റവും മോശം സ്‌കോറും ഇതുതന്നെയാണ്. മറുപടി പറഞ്ഞ കൊല്‍ക്കത്ത നൈറ്റ് റൈഡേഴ്സ് 10.3 ഓവറില്‍ രണ്ട് വിക്കറ്റ് മാത്രം നഷ്ടത്തില്‍ ലക്ഷ്യത്തിലെത്തി.
