ഏറെ ആരാധകരുള്ള ഒരു നടൻ ആണ് ചിമ്പു. ഇപ്പോൾ തന്റെ പുതിയ ചിത്രത്തെ കുറിച്ച് പ്രേക്ഷകരോട് പങ്കുവെച്ചിരിക്കുകയാണ് തെന്നിന്ത്യൻ താരം ചിമ്പു (സിലമ്പരശൻ). പുതിയ ചിത്രത്തെ കുറിച്ചുള്ള ശുഭ സൂചനകളാണ് അദ്ദേഹം എക്സിൽ കുറിച്ചത്. ചിമ്പുവിന്റെ ഹിറ്റ് ചിത്രങ്ങളായ ദം, മൻമഥൻ, വല്ലവൻ, വിണ്ണൈ താണ്ടി വരുവായ തുടങ്ങിയ ചിത്രങ്ങൾ ജെൻ സി (Gen Z) മോഡിൽ ഒരുങ്ങുന്ന തരത്തിലായിരിക്കും തന്റെ പുതിയ ചിത്രമെന്നാണ് ചിമ്പു എക്സിൽ കുറിച്ചത്. പുതിയ ചിത്രത്തെ കുറിച്ചുള്ള മറ്റ് വിവരങ്ങളൊന്നും പുറത്തുവിട്ടിട്ടില്ല. എന്തായാലും കരിയറിന്‍റെ രണ്ടാം ഘട്ടത്തിൽ നിൽക്കുന്ന ചിമ്പുവിൽ നിന്നും മികച്ച ചിത്രം തന്നെയാണ് ആരാധകർ പ്രതീക്ഷിക്കുന്നത്.
Also Read: ‘പൊറാട്ട് നാടക’ത്തിലെ വീഡിയോ ഗാനം റിലീസായി
പ്രതീക്ഷയിലാണ് ചിമ്പു…
തന്റെ ജീവിതത്തിലെ ഒരുപാട് മോശം സമയത്തിലൂടെ കടന്നുപോയതിന് ശേഷം വെങ്കട്ട് പ്രഭു ചിത്രം മാനാടിലൂടെ തിരിച്ചുവരവ് നടത്തിയ താരമാണ് ചിമ്പു. വെന്തു തനിന്തത് കാടു, പത്തു തലൈ തുടങ്ങിയ ചിത്രങ്ങളും ചിമ്പുവിന്റെതായി എത്തിയെങ്കിലും ചിമ്പുവിന്റെ ഒരു ചിത്രം തിയേറ്ററുകളിൽ എത്തിയിട്ട് രണ്ട് വർഷത്തോളമായി. കമൽഹാസനെ നായകനാക്കി മണിരത്‌നം സംവിധാനം ചെയ്ത ‘തഗ് ലൈഫ്’ അണ് ഇനി റിലീസിന് ഒരുങ്ങുന്ന ചിമ്പു ചിത്രം.
Also Read: മലയാളം സംസാരിക്കുന്ന സംസ്ഥാനമേതെന്ന് അറിയില്ല! ഉത്തരം മുട്ടി നടി കിയാര അദ്വാനി
മദ്രാസ് ടാക്കീസും രാജ്കമൽ ഫിലിംസും ചേർന്ന് നിർമിക്കുന്ന ചിത്രം 2025 പൊങ്കലിന് തിയറ്ററിൽ എത്തിയേക്കും. നിലവിൽ ഷൂട്ടിങ് പൂർത്തിയായ തഗ് ലൈഫിൽ അശോക് സെൽവൻ, തൃഷ, അഭിരാമി, ജോജു ജോർജ് എന്നിവരും പ്രധാന വേഷത്തിലെത്തുന്നുണ്ട്. എ.ആർ റഹ്‌മാനാണ് ചിത്രത്തിന് സംഗീതം നൽകിയിരിക്കുന്നത്.
