കൊച്ചി: കൊച്ചിയിൽ നിന്നും ബഹ്റൈനിലേക്ക് പുറപ്പെടേണ്ട വിമാനം വൈകുന്നു. എയർ ഇന്ത്യ (IX 471) വിമാനമാണ് 9 മണിക്കൂർ വൈകുമെന്നറിയിച്ചത്. രാവിലെ 10.45 ന് പുറപ്പെടേണ്ട വിമാനം വൈകുന്നേരം 6.30ന് പുറപ്പെടുമെന്നാണ് അറിയിപ്പ്. വിമാനം വൈകിയതോടെ വയോധികരും കുട്ടികളുമുൾപ്പടെ വിമാനത്താവളത്തിൽ കുടുങ്ങിക്കിടക്കുകയാണ്. സംഭവത്തിൽ പ്രതിഷേധവുമായി യാത്രക്കാർ രംഗത്തെത്തിയിട്ടുണ്ട്. അതേസമയം, യാത്ര വൈകിയത് റണ്‍വേ അറ്റകുറ്റപണി കാരണമെന്നാണ് അധികൃതരുടെ വിശദീകരണം.
കൊച്ചിയിൽ നിന്നുള്ള എയർ ഇന്ത്യ വിമാനം വൈകുന്നു; പ്രതിഷേധവുമായി യാത്രക്കാർ
