കൊച്ചി: യാത്രക്കാരെ വീണ്ടും ബുദ്ധിമുട്ടിലാക്കി എയര്‍ ഇന്ത്യ. കൊച്ചിയിൽ നിന്നും ഇന്ന് ഉച്ചയ്ക്ക് പുറപ്പെടേണ്ട വിമാനം റദ്ദാക്കി എയര്‍ ഇന്ത്യ. ഇന്ന് ഉച്ചയ്ക്ക് 12.25ന് ലണ്ടനിലേക്ക് പുറപ്പെടേണ്ട വിമാനമാണ് എയര്‍ ഇന്ത്യ അവസാന നിമിഷം റദ്ദാക്കിയത്. അതേസമയം സാങ്കേതിക പ്രശ്നം കാരണം വിമാനമെത്തിയില്ലെന്നാണ് അധികൃതരുടെ വിശദീകരണം.
250ഓളം യാത്രക്കാരാണ് വിമാനം റദ്ദാക്കിയതോടെ വലഞ്ഞത്. അതേസമയം കുറച്ചു യാത്രക്കാര്‍ക്ക് മുബൈ വഴി യാത്രാ സൗകര്യം ഏര്‍പ്പെടുത്തി. ഉച്ചയോടെ വിമാനം റദ്ദാക്കിയത് അറിഞ്ഞ് ദുരിതത്തിലായത് രാവിലെ മുതല്‍ വിമാനത്താവളത്തിലെത്തിയ നിരവധി യാത്രക്കാരാണ്.
Also Read: സുരക്ഷാപ്രശ്നം; വിമാനം പാതിവഴിയിൽ അടിയന്തിരമായി ഇറക്കി
യാത്ര മുടങ്ങിയതിൽ യാത്രക്കാര്‍ പ്രതിഷേധിച്ചെങ്കിലും പ്രശ്ന പരിഹാരമുണ്ടായില്ല.
