ആലപ്പുഴ: ലോക്‌സഭാ തിരഞ്ഞെടുപ്പില്‍ വിജയ പ്രതീക്ഷ പങ്കുവെച്ച് ആലപ്പുഴ യുഡിഎഫ് സ്ഥാനാര്‍ത്ഥി കെ സി വേണുഗോപാല്‍. ഇത് വരെ നടന്ന രണ്ട് ഘട്ടത്തിലും പ്രതീക്ഷിച്ചതിനെക്കാള്‍ മികച്ച മുന്നേറ്റം നടത്താന്‍ ഇന്‍ഡ്യ മുന്നണിക്ക് സാധിച്ചുവെന്നും ഇനി വരുന്ന ഘട്ടങ്ങളിലും മുന്നേറ്റം തുടരുമെന്നും കേന്ദ്രത്തില്‍ കോണ്‍ഗ്രസ് നേതൃത്വത്തിലുളള സര്‍ക്കാര്‍ ഉണ്ടാകുമെന്നും അദ്ദേഹം പറഞ്ഞു.
അതേസമയം, ദല്ലാള്‍ നന്ദകുമാര്‍ ഇപി ജയരാജനുമായി ബന്ധപ്പെട്ട് നടത്തിയ വെളിപ്പെടുത്തലിലും കെസി വിമര്‍ശനം ഉന്നയിച്ചു. ‘ഇപി ജയരാജന്‍ ജാവദേക്കര്‍ കൂടികാഴ്ച്ച ബിജെപി സിപിഐഎം ഗൂഡാലോചനയുടെ ഭാഗമാണ്. കരുവന്നൂര്‍, മാസതവണ അടക്കമുള്ള കേസുകളില്‍ നടന്ന ഡീലിന്റെ തെളിവാണ് ഈ കൂടി കാഴ്ച്ച’, കെസി വേണുഗോപാല്‍ പറഞ്ഞു.
