കൊച്ചി: കടവന്ത്രയിലെ ബാർ ഹോട്ടലിന്റെ മുകളിൽ നിന്ന് ചാടി ഇരുപത്തിമൂന്നുകാരൻ ആത്മഹത്യ ചെയ്തു. വൈറ്റില സ്വദേശിയായ ക്രിസ് ജോർജ് എബ്രഹാം (23) ആണ് മരിച്ചത്. ബാർ ഹോട്ടൽ കെട്ടിടത്തിന്റെ 11-ാമത്തെ നിലയിൽ നിന്നായിരുന്നു യുവാവ് ചാടിയത്. ഇന്ന് ഉച്ചയോടുകൂടിയായിരുന്നു സംഭവം. ഹോട്ടൽ പരിസരത്ത് നിന്നും യുവാവ് എഴുതിയെന്ന് കരുതപ്പെടുന്ന ആത്മഹത്യാ കുറിപ്പും പൊലീസ് കണ്ടെടുത്തിട്ടുണ്ട്.
എന്നാൽ ആത്മഹത്യയ്ക്ക് പ്രേരിപ്പിച്ച വ്യക്തമായ കാരണം എന്താണെന്ന് ഇതുവരെ സ്ഥിരീകരിക്കാൻ സാധിച്ചിട്ടില്ലെന്നാണ് വിവരം.അതെ സമയം പഠനം പൂർത്തിയാക്കി വിദേശത്തേക്ക് പോകാനിരിക്കെയാണ് യുവാവ് ജീവനൊടുക്കിയത്.രാവിലെ ഹോട്ടലിലെത്തിയ ക്രിസ് നേരേ റൂഫ് ടോപ്പിലേക്ക് പോകുകയായിരുന്നു. അവിടെ നിന്നാണ് താഴേക്ക് ചാടിയത്. യുവാവ് വീണത്ഹോട്ടലിന് മുൻവശത്തെ ഗേറ്റിലാണ് . മാരകമായി പരിക്കേറ്റ യുവാവിനെ ഉടൻ തന്നെ പൊലീസെത്തി ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു.
‘എല്ലാ നല്ല കാര്യങ്ങൾക്കും അവസാനമുണ്ട്, എന്റെ നല്ല കാര്യങ്ങൾ അവസാനിക്കുമ്പോൾ ഞാനും മരിക്കും, മരണശേഷം മൃതദേഹം സെമിത്തേരിയിൽ അടക്കണം’ എന്നായിരുന്നു ക്രിസജോർജ് എബ്രഹാംന്റെ ആത്മഹത്യാക്കുറിപ്പിലുണ്ടായിരുന്നത്. സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്. മൃതദേഹം എറണാകുളം ജനറൽ ആശുപത്രിയിലേക്ക് മാറ്റി.പോസ്റ്റുമോർട്ടത്തിന് ശേഷം ബന്ധുക്കൾക്ക് മൃതദേഹം വിട്ട് നൽകും.
