അമേരിക്ക എന്നു പറഞ്ഞാല്‍ തന്നെ അതൊരു യുദ്ധക്കൊതിയന്‍മാരുടെ രാജ്യമാണ്. പഴയ ആ ചരിത്രത്തിന്റെ തനിയാവര്‍ത്തനമാണ് ഇപ്പോള്‍ ഇസ്രയേല്‍ – ഇറാന്‍ സംഘര്‍ഷമുഖത്തും ദൃശ്യമാവുന്നത്. ഇരു രാജ്യങ്ങള്‍ തമ്മിലുള്ള പ്രശ്‌നം ആളിക്കത്തിക്കുന്നതിനും, സ്വന്തം അജണ്ട നടപ്പാക്കുന്നതിനും വേണ്ടിയാണ് അമേരിക്കന്‍ യുദ്ധക്കപ്പലുകള്‍ തമ്പടിച്ചിരിക്കുന്നത്. ഈ സാഹചര്യത്തില്‍ രക്തദാഹിയായ ആ രാജ്യത്തെ ഇന്നലെകള്‍ എന്താണെന്നതും നാം അറിയേണ്ടതുണ്ട്.
ഇരുപതാം നൂറ്റാണ്ടിലാണ് അമേരിക്ക ആഗോള ശക്തിയായി രൂപം പ്രാപിക്കുന്നത്. വ്യാവസായിക, സാങ്കേതിക മേഖലകളില്‍ കൈവരിച്ച വളര്‍ച്ച അമേരിക്കയുടെ കുതിച്ചുകയറ്റത്തിനു കാരണമായി. ഒന്നും രണ്ടും ലോകമഹായുദ്ധങ്ങളും അമേരിക്കന്‍ കുതിച്ചുകയറ്റത്തിന് സ്വാധീനിച്ച മറ്റു ഘടകങ്ങളാണ്. 1929 മുതല്‍ 1939 വരെ ലോകമെമ്പാടും രൂപംകൊണ്ട സാമ്പത്തിക മാന്ദ്യത്തിന് പോലും അമേരിക്കയെ പോറലേല്‍പ്പിക്കാന്‍ കഴിഞ്ഞിരുന്നില്ല. 1950 കളില്‍ ആഗോള സമ്പത്തിന്റെ സിംഹഭാഗവും കേന്ദ്രീകരിച്ചിരുന്നത് പോലും അമേരിക്കയിലായിരുന്നു. ഇതോടെയാണ് രാജ്യാന്തര പ്രശ്‌നങ്ങളില്‍ അമേരിക്ക കൂടുതലായി ഇടപെടാന്‍ തുടങ്ങിയത്. ഇത് അമേരിക്കയുടെ ആയുധ വിപണിക്കും വലിയ ഗുണമാണ് ചെയ്തത്. മിക്കയിടങ്ങളിലും അമേരിക്കയുടെ ഇടപെടലുകള്‍ വലിയ സംഘര്‍ഷങ്ങളും ഭീതിയും പടര്‍ത്തിയപ്പോള്‍ വിറ്റുപോയത് വന്‍ ആയുധശേഖരം കൂടിയായിരുന്നു എന്ന യാഥാര്‍ത്ഥ്യവും നാം അറിയേണ്ടതുണ്ട്.
സ്പാനിഷ്-അമേരിക്കന്‍ യുദ്ധം (1898)
1898 ല്‍ ഫിലിപ്പെന്‍സ്, ക്യൂബ, പ്യൂര്‍ട്ടോ റിക്കോ എന്നീ കോളനികളിലെ ഭരണത്തിന്റെ പേരില്‍ സ്പെയിനുമായി അമേരിക്ക യുദ്ധത്തിലേര്‍പ്പെട്ടതിനേയാണ് സ്പാനിഷ്-അമേരിക്കന്‍ യുദ്ധം എന്ന് വിശേഷിപ്പിക്കുന്നത്. യുദ്ധത്തില്‍ പരാജയപ്പെട്ട സ്പെയിനില്‍ നിന്നും ഫിലിപ്പെന്‍സും ഗുവാവും അമേരിക്ക സ്വന്തമാക്കി. അമേരിക്ക എന്ന ലോക ശക്തിയുടെ ഉദയത്തിന്റെ തുടക്കമായിരുന്നു ഈ യുദ്ധം.
പനാമയിലെ അമേരിക്കന്‍ നിയന്ത്രണം (1903)
കൊളംബിയയില്‍ നിന്ന് പനാമിയന്‍ സ്വാതന്ത്ര്യവും പനാമ കനാലിന്റെ നിയന്ത്രണവും ഉറപ്പാക്കാന്‍ യുഎസ് സൈനിക ഇടപെടല്‍ സഹായിച്ചു. ജോര്‍ജ്ജ് ബുഷ് പ്രസിഡന്റായിരിക്കെ 1989 ഡിസംബര്‍ പകുതിയോടെ അമേരിക്ക പനാമയെ ആക്രമിച്ചു. റാക്കറ്റിംഗിനും മയക്കുമരുന്ന് കടത്തിനും വേണ്ടി യുഎസ് അധികാരികള്‍ തിരയുന്ന പനാമയിലെ ഭരണാധികാരി ജനറല്‍ മാനുവല്‍ നൊറിഗയെ സ്ഥാനഭ്രഷ്ടനാക്കുക എന്നതായിരുന്നു അധിനിവേശത്തിന്റെ പ്രാഥമിക ലക്ഷ്യം.
ചൈന (1945-1949)
വടക്കുകിഴക്കന്‍ ചൈനയിലെ ഹെബെയ്, ഷാന്‍ഡോംഗ് പ്രവിശ്യകളിലെ യു.എസ് മറൈന്‍ കോര്‍പ്സ് അധിനിവേശത്തിന്റെ രഹസ്യ നാമമായിരുന്നു ഓപ്പറേഷന്‍ ബെലീഗര്‍. ജപ്പാനിലും കൊറിയയിലും അവശേഷിച്ച 6,00,000-ത്തിലധികം ആളുകളെ തിരിച്ചയക്കുന്നതിന് മേല്‍നോട്ടം വഹിക്കാന്‍ അമേരിക്ക നാവികരെ ചുമതലപ്പെടുത്തി. രണ്ടാംലോക മഹായുദ്ധത്തിന്റെ നാല് വര്‍ഷത്തെ കാലയളവില്‍ വിദേശ പൗരന്മാരെ ഒഴിപ്പിക്കുന്നതിനിടയില്‍ അമേരിക്കന്‍ സൈന്യത്തിന് പീപ്പിള്‍സ് ലിബറേഷന്‍ ആര്‍മിയുമായി ഏറ്റുമുട്ടേണ്ട സാഹചര്യമുണ്ടായി. നാഷണലിസ്റ്റ്, കമ്മ്യൂണിസ്റ്റ് വിഭാഗങ്ങള്‍ സമാധാന ഉടമ്പടിക്കായി മധ്യസ്ഥത വഹിക്കാന്‍ ശ്രമിച്ചെങ്കിലും വിജയിച്ചില്ല. കമ്മ്യൂണിസ്റ്റുകള്‍ ചൈനീസ് ആഭ്യന്തരയുദ്ധത്തില്‍ വിജയിക്കുകയും ചൈനയുടെ പ്രധാന ഭൂപ്രദേശത്തിന്റെ നിയന്ത്രണം ഏറ്റെടുക്കുകയും ചെയ്യുന്നതിന് ഏതാനും മാസങ്ങള്‍ക്ക് മുമ്പ് 1949 ജൂണില്‍ നാവികര്‍ വടക്കന്‍ ചൈന വിട്ടു പോവുകയും ചെയ്തു.
കൊറിയ (1950-1953)
രണ്ടാം ലോകമഹായുദ്ധം അവസാനിച്ചപ്പോള്‍, സഖ്യകക്ഷികള്‍ യുദ്ധത്തില്‍ വിജയിക്കുകയും 35 വര്‍ഷമായി ജാപ്പനീസ് കോളനിയായിരുന്ന കൊറിയയെ മോചിപ്പിക്കുകയും ചെയ്തു. ആ കാലത്ത് തന്നെ തെക്കെന്നും വടക്കെന്നും രണ്ട് രാജ്യങ്ങളായി കൊറിയ വിഭജിക്കപ്പെടുന്നു. രാഷ്ട്രരൂപീകരണം കഴിഞ്ഞ് അധികം വൈകാതെ വലിയൊരു യുദ്ധവും ഇരുകൊറിയകള്‍ക്കും ഇടയില്‍ നടന്നു. ദക്ഷിണ കൊറിയന്‍ പക്ഷത്ത് നാല് ലക്ഷത്തിലധികം സൈനികരും ഉത്തരകൊറിയന്‍ പക്ഷത്ത് ഇരുപത് ലക്ഷത്തോളം സൈനികരും കൊല്ലപ്പെടുകയുണ്ടായി അന്ന്. അതില്‍ പാതിയിലധികം പേരും നിരപരാധികളായ പൊതുജനങ്ങളായിരുന്നു. അവരെ കൂട്ടത്തോടെ കൊന്നൊടുക്കിയതോ ഒരു വിവേചനവുമില്ലാതെ അമേരിക്ക ദക്ഷിണകൊറിയയെ പിന്തുണച്ചുകൊണ്ട് നടത്തിയ കാര്‍പെറ്റ് ബോംബിങ്ങും. അമേരിക്കയും ബ്രിട്ടനും കൂടി നാപാം രാസായുധങ്ങളും പരസ്താതം ബോംബുകളും വര്‍ഷിച്ച് ഉത്തര കൊറിയയെ തകര്‍ത്ത് തരിപ്പണമാക്കി. അതിനുപുറമെ കരമാര്‍ഗം സൈന്യത്തെ അയച്ചും യുദ്ധം നടത്തി. ഒടുവില്‍ 1953 -ല്‍ വെടിനിര്‍ത്തല്‍ പ്രഖ്യാപിക്കപ്പെടുന്നതിനുള്ളില്‍ ലക്ഷക്കണക്കിന് പേരുടെ ജീവന്‍ പൊലിഞ്ഞിട്ടുണ്ടായിരുന്നു.
ഗ്വാട്ടിമാലന്‍ അട്ടിമറി (1956)
ജനാധിപത്യപരമായി തിരഞ്ഞെടുക്കപ്പെട്ട ഗ്വാട്ടിമാലന്‍ പ്രസിഡന്റ് ജാക്കോബോ അര്‍ബെന്‍സിനെ പുറത്താക്കുകയും ഗ്വാട്ടിമാലന്‍ വിപ്ലവത്തിന് അമേരിക്ക അന്ത്യം കുറിക്കുകയും ചെയ്തു. ഗ്വാട്ടിമാലയിലെ യുഎസ് പിന്തുണയുള്ള ഏകാധിപത്യ ഭരണാധികാരികളുടെ പരമ്പരയിലെ ആദ്യ കണ്ണിയായ കാര്‍ലോസ് കാസ്റ്റിലോ അര്‍മസ് അട്ടിമറിയിലൂടെ ഭരണം പിടിക്കുകയും സൈനിക സ്വേച്ഛാധിപത്യം രാജ്യത്ത് നടപ്പിലാക്കുകയും ചെയ്തു. PB Success എന്ന് പേരിട്ടിരിക്കുന്ന CIA രഹസ്യ ഓപ്പറേഷന്‍ കോഡിന്റെ ഫലമായിരുന്നു ഈ അട്ടിമറി.
ഇന്തോനേഷ്യയില്‍ യുഎസ്
1958-ല്‍, കമ്മ്യൂണിസത്തിലേക്ക് ചായുകയും ശക്തമായ ദേശീയവാദ നയങ്ങള്‍ വളര്‍ത്തിയെടുക്കുകയും ചെയ്യുന്ന പ്രസിഡന്റ് സുകാര്‍ണോയ്‌ക്കെതിരായ കലാപത്തെ പിന്തുണയ്ക്കാന്‍ ഇന്തോനേഷ്യയില്‍ യുഎസ് രഹസ്യമായി ഇടപെട്ടു. ആയുധങ്ങളും സാധനങ്ങളും നല്‍കിയും രഹസ്യ ബോംബിംഗ് ദൗത്യങ്ങള്‍ പോലും നടത്തിക്കൊണ്ടും സിഐഎ ഇന്തോനേഷ്യയിലെ പ്രാദേശിക വിമതരെ പിന്തുണച്ചു. ‘പെര്‍മെസ്റ്റ കലാപം’ എന്നറിയപ്പെടുന്ന ഓപ്പറേഷന്‍, സുകാര്‍ണോയുടെ സര്‍ക്കാരിനെ ദുര്‍ബലപ്പെടുത്താനും കമ്മ്യൂണിസത്തിന്റെ വ്യാപനം തടയാനും ലക്ഷ്യമിട്ടുള്ളതായിരുന്നു.
എന്നിരുന്നാലും, വിമതരെ ഇന്തോനേഷ്യന്‍ സര്‍ക്കാര്‍ സേന വിജയകരമായി പരാജയപ്പെടുത്തിയതോടെ ഓപ്പറേഷന്‍ പരാജയപ്പെട്ടു. അമേരിക്കന്‍ പൈലറ്റായ അലന്‍ പോപ്പിനെ വെടിവെച്ച് വീഴ്ത്തി പിടികൂടിയതോടെ അമേരിക്കയുടെ രഹസ്യ പ്രവര്‍ത്തനങ്ങളുടെ വ്യാപ്തി വെളിപ്പെടുത്തി. ഈ സംഭവം യുഎസിനെ കാര്യമായ നയതന്ത്ര നാണക്കേടിലേക്ക് നയിച്ചു.
ക്യൂബ
1961 ഏപ്രിലിലെ ‘ബേ ഓഫ് പിഗ്സ് അധിനിവേശമാണ്’ ക്യൂബയ്‌ക്കെതിരായ ഏറ്റവും ശ്രദ്ധേയമായ യു.എസ് ആക്രമണം. ഫിദല്‍ കാസ്ട്രോയുടെ കമ്മ്യൂണിസ്റ്റ് ഗവണ്‍മെന്റിനെ അട്ടിമറിക്കാനുള്ള CIA പരിശീലനം ലഭിച്ച ക്യൂബന്‍ പ്രവാസികളുടെ ഒരു വിഫലശ്രമമായിരുന്നു ഇത്. കാസ്‌ട്രോയ്‌ക്കെതിരെ കലാപമുണ്ടാക്കാന്‍ ലക്ഷ്യമിട്ടായിരുന്നു ആക്രമണം. എന്നാല്‍ ക്യൂബന്‍ സൈന്യം അത് പെട്ടെന്ന് പരാജയപ്പെടുത്തി. യുഎസിന്റെ ചരിത്രത്തിലെ ഏറ്റവും വലിയ നാണക്കേടിലൊന്നായത് മാറുകയും ക്യൂബയില്‍ കാസ്ട്രോയുടെ സ്ഥാനം ശക്തിപ്പെടുത്തുകയും ചെയ്തു.
കോംഗോ (1964)
യുഎസ് ഗവണ്‍മെന്റ് കോംഗോയില്‍ ഏതാണ്ട് 7 വര്‍ഷം നീണ്ടുനിന്ന ഒരു രഹസ്യ രാഷ്ട്രീയ പരിപാടി ആരംഭിച്ചു. തുടക്കത്തില്‍ ലുമുംബയെ അധികാരത്തില്‍ നിന്ന് ഒഴിവാക്കുകയും പകരം കൂടുതല്‍ മിതവാദിയും പാശ്ചാത്യ അനുകൂല നേതാവിനെ നിയമിക്കുകയും ചെയ്യുക എന്ന ലക്ഷ്യത്തോടെയായിരുന്നു ഇത്. യു.എസ്.എസ്.ആര്‍ കോംഗോയെ സഹായിക്കുമെന്ന ആശയം അമേരിക്കയ്ക്ക് തൃപ്തികരമല്ലായിരുന്നു.
പെറു
1965-ല്‍, ലാറ്റിനമേരിക്കയിലെ ഇടതുപക്ഷ പ്രസ്ഥാനങ്ങളെ നേരിടാന്‍ ലക്ഷ്യമിട്ടുള്ള വിശാലമായ ശീതയുദ്ധ തന്ത്രങ്ങളുടെ ഭാഗമായിരുന്നു പെറുവിലെ യു.എസ് ഇടപെടല്‍. ഈ കാലയളവില്‍, മാവോയിസ്റ്റ് ഗറില്ല സംഘടനയായ ഷൈനിംഗ് പാത്ത് ഉള്‍പ്പെടെയുള്ള വിമത ഗ്രൂപ്പുകളില്‍ നിന്ന് വര്‍ദ്ധിച്ചുവരുന്ന ഭീഷണി നേരിടുന്ന പ്രസിഡന്റ് ഫെര്‍ണാണ്ടോ ബെലാന്‍ഡെ ടെറിയുടെ സര്‍ക്കാരിനെ പിന്തുണയ്ക്കാന്‍ യുഎസ് സാമ്പത്തികവും സൈനികവുമായ സഹായം നല്‍കി. പ്രദേശം സുസ്ഥിരമാക്കാനും കമ്മ്യൂണിസ്റ്റ് സ്വാധീനം പടരുന്നത് തടയാനുമാണ് യുഎസ് സഹായം ലക്ഷ്യമിട്ടത്
ലാവോസ് (1964-73)
1964 മുതല്‍ 1973 വരെ, വിയറ്റ്നാം യുദ്ധസമയത്ത് കമ്മ്യൂണിസ്റ്റ് ശക്തികള്‍ക്കും ഹോ ചി മിന്‍ ട്രെയിലിനുമെതിരെ രഹസ്യ ബോംബിംഗ് കാമ്പെയ്ന്‍ നടത്തി, യു.എസ്. കമ്മ്യൂണിസ്റ്റ് വിരുദ്ധ ഹ്‌മോങ് ഗറില്ലകളെ സിഐഎ പിന്തുണച്ചു. ഈ രഹസ്യ ഓപ്പറേഷന്‍ ലാവോസിനെ ചരിത്രത്തില്‍ ഏറ്റവും കൂടുതല്‍ ബോംബാക്രമണം നടത്തിയ രാജ്യമായി മാറ്റി.
കംബോഡിയ (1969-70 )
1969 മുതല്‍ 1970 വരെ കംബോഡിയയില്‍ യുഎസ് രഹസ്യ ബോംബാക്രമണം നടത്തി. ദക്ഷിണ വിയറ്റ്നാമില്‍ യുദ്ധം ചെയ്യുന്ന വിയറ്റ് കോംഗിനെയും വടക്കന്‍ വിയറ്റ്നാമീസ് സേനയെയും സഹായിക്കുന്ന വിതരണ ലൈനുകളെയും സങ്കേതങ്ങളെയും തകര്‍ക്കാന്‍ ലക്ഷ്യമിട്ടുള്ള ആക്രമണമായിരുന്നു ഇത്.
നിക്കരാഗ്വ
1980-കളില്‍, ഇടതുപക്ഷവും സോവിയറ്റ് ബ്ലോക്കുമായി ചേര്‍ന്ന സാന്‍ഡിനിസ്റ്റ സര്‍ക്കാരിനെതിരെ നിക്കരാഗ്വയിലെ കോണ്‍ട്രാ വിമതര്‍ക്ക് യുഎസ് പിന്തുണ അറിയിച്ചു. ലാറ്റിനമേരിക്കയിലെ സോവിയറ്റ് സ്വാധീനത്തെ ചെറുക്കുന്നതിനുള്ള വിശാലമായ തന്ത്രത്തിന്റെ ഭാഗമായ ധനസഹായവും പരിശീലനവും ആയുധങ്ങളും ഈ പിന്തുണയില്‍ ഉള്‍പ്പെടുന്നു. പങ്കാളിത്തം വിവാദമാവുകയും ഇറാന്‍-കോണ്‍ട്രാ അഫയറിന് കാരണമാവുകയും ചെയ്തു. അവിടെ ഇറാനിലേക്കുള്ള രഹസ്യ ആയുധ വില്‍പ്പനയില്‍ നിന്നുള്ള ഫണ്ട് കോണ്‍ഗ്രസിന്റെ വിലക്കുകള്‍ക്കിടയിലും കോണ്‍ട്രാസിനെ പിന്തുണയ്ക്കാന്‍ ഉപയോഗിച്ചുവെന്ന് വെളിപ്പെടുത്തി.
എല്‍ സാല്‍വഡോര്‍
1980-കളിലെ ആഭ്യന്തരയുദ്ധകാലത്ത് എല്‍ സാല്‍വഡോര്‍ സര്‍ക്കാരിന് യുഎസ് ഗണ്യമായ സൈനിക-സാമ്പത്തിക പിന്തുണ നല്‍കി. ഇടതുപക്ഷ ഗറില്ലകളായ ഫറബുണ്ടോ മാര്‍ട്ടി നാഷണല്‍ ലിബറേഷന്‍ ഫ്രണ്ട് (എഫ്എംഎല്‍എന്‍) നയിക്കുന്ന കലാപത്തെ ചെറുക്കാനും ലാറ്റിനമേരിക്കയില്‍ കമ്മ്യൂണിസത്തിന്റെ വ്യാപനം തടയാനും യു.എസ് പിന്തുണ നല്‍കി. യുഎസ് നേരിട്ട് എല്‍ സാല്‍വഡോറിനെ ആക്രമിച്ചില്ലെങ്കിലും, പരിശീലനവും ഉപകരണങ്ങളും ഉപദേശക പിന്തുണയും നല്‍കി സാല്‍വഡോറന്‍ സര്‍ക്കാരിനെ പിന്തുണച്ചു. ഈ മേഖലയിലെ കമ്മ്യൂണിസ്റ്റ് സ്വാധീനത്തെ ചെറുക്കുന്നതിനും സൗഹൃദ ഗവണ്‍മെന്റുകളെ സ്ഥിരപ്പെടുത്തുന്നതിനുമുള്ള വിശാലമായ ശീതയുദ്ധ തന്ത്രത്തിന്റെ ഭാഗമായിരുന്നു ഈ ഇടപെടല്‍. സംഘര്‍ഷത്തിനിടെ സാല്‍വഡോറന്‍ സേനയും അര്‍ദ്ധസൈനിക വിഭാഗങ്ങളും നടത്തിയ മനുഷ്യാവകാശ ലംഘനങ്ങളിലെ യുഎസിന്റെ പിന്തുണ വിവാദമായിരുന്നു.
ഗ്രെനഡ
1983-ല്‍, ഒരു അട്ടിമറിക്ക് ശേഷം അധികാരത്തില്‍ വന്ന മാര്‍ക്സിസ്റ്റ് ഗവണ്‍മെന്റിനെ അട്ടിമറിക്കുന്നതിനായി, ഓപ്പറേഷന്‍ അര്‍ജന്റ് ഫ്യൂറിയില്‍ യുഎസ് ഗ്രെനഡ ആക്രമിച്ചു. ദ്വീപിലെ അമേരിക്കന്‍ പൗരന്മാരെ സംരക്ഷിക്കാനും കരീബിയനില്‍ കമ്മ്യൂണിസ്റ്റ് അടിത്തറ സ്ഥാപിക്കുന്നത് തടയാനും യുഎസ് അധിനിവേശം പെട്ടെന്ന് വിജയിച്ചു. ഇത് ഒരു അമേരിക്കന്‍ അനുകൂല ഗവണ്‍മെന്റിന്റെ പുനഃസ്ഥാപനത്തിലേക്ക് നയിച്ചു.
ലെബനന്‍
1983-ല്‍, ആഭ്യന്തരയുദ്ധകാലത്ത് രാജ്യത്തെ സുസ്ഥിരമാക്കാന്‍ ഒരു ബഹുരാഷ്ട്ര ശക്തിയുടെ ഭാഗമായി ലെബനനില്‍ യുഎസ് ഇടപെട്ടു. ഇടപെടലില്‍ സമാധാന പരിപാലന ശ്രമങ്ങള്‍ ഉള്‍പ്പെട്ടിരുന്നുവെങ്കിലും കാര്യമായ വെല്ലുവിളികള്‍ നേരിട്ടു. 1983 ഒക്ടോബറില്‍ ബെയ്‌റൂട്ടിലെ യുഎസ് മറൈന്‍ ബാരക്കുകള്‍ക്ക് നേരെയുണ്ടായ ട്രക്ക് ബോംബാക്രമണത്തില്‍ 241 അമേരിക്കന്‍ സൈനികര്‍ കൊല്ലപ്പെട്ടു. 1984-ല്‍, വര്‍ദ്ധിച്ചുവരുന്ന അക്രമത്തിനും സമാധാന പരിപാലന ദൗത്യത്തിന്റെ പരാജയത്തിനും മറുപടിയായി യുഎസ് സൈന്യത്തെ പിന്‍വലിച്ചു.
ലിബിയ
1986 ല്‍ ബെര്‍ലിന്‍ നിശാക്ലബ് ബോംബ് സ്‌ഫോടനം ഉള്‍പ്പെടെയുള്ള തീവ്രവാദത്തില്‍ ലിബിയന്‍ പങ്കാളിത്തത്തിനെതിരെ പ്രതികാരം ചെയ്യുന്നതിനായി ഓപ്പറേഷന്‍ എല്‍ ഡൊറാഡോ കാന്യോണില്‍, യുഎസ് ലിബിയയില്‍ വ്യോമാക്രമണം നടത്തി.
2011 ല്‍ മുഅമ്മര്‍ ഗദ്ദാഫിയുടെ ഭരണത്തിനെതിരായ വിമതരെ പിന്തുണയ്ക്കുന്നതിനായി ലിബിയന്‍ ആഭ്യന്തരയുദ്ധകാലത്ത് നാറ്റോയുടെ നേതൃത്വത്തിലുള്ള വ്യോമാക്രമണത്തില്‍ യുഎസ് ഗദ്ദാഫിയുടെ പതനത്തിനുശേഷം, സംഘര്‍ഷങ്ങള്‍ക്കിടയില്‍ ലിബിയയെ സ്ഥിരപ്പെടുത്താനുള്ള ശ്രമങ്ങളിലായിരുന്നു യു.എസ്.
ഇറാന്‍
1987-ല്‍, ഇറാന്‍-ഇറാഖ് യുദ്ധസമയത്ത്, പേര്‍ഷ്യന്‍ ഗള്‍ഫിലെ ഇറാനിയന്‍ ആക്രമണങ്ങളില്‍ നിന്ന് കുവൈറ്റ് എണ്ണക്കപ്പലുകളെ സംരക്ഷിക്കാന്‍ യുഎസ് ഓപ്പറേഷന്‍ ഏണസ്റ്റ് വില്‍ ആരംഭിച്ചു. യുഎസ് നാവികസേന കുവൈത്ത് കപ്പലുകള്‍ക്ക് അകമ്പടി സേവിക്കുകയും ഇറാനിയന്‍ സേനയുമായി നിരവധി ഏറ്റുമുട്ടലുകളില്‍ ഏര്‍പ്പെടുകയും ചെയ്തു. ഈ മേഖലയില്‍ എണ്ണയുടെ സ്വതന്ത്രമായ ഒഴുക്ക് ഉറപ്പാക്കുന്നതിനും ഇറാന്റെ സ്വാധീനത്തെ ചെറുക്കുന്നതിനുമുള്ള വിപുലമായ ശ്രമങ്ങളുടെ ഭാഗമായിരുന്നു ഈ ഇടപെടല്‍.
ഇറാഖ്
1991: കുവൈറ്റില്‍ നിന്ന് ഇറാഖിനെ തുരത്താന്‍ യു.എസ് നേതൃത്വം നല്‍കിയ ഓപ്പറേഷന്‍ ഡെസേര്‍ട്ട് സ്റ്റോം. 2003-2011 സദ്ദാം ഹുസൈനെ നീക്കം ചെയ്യുന്നതിനായി യു.എസ് ഇറാഖ് ആക്രമിച്ചു, ഇത് നീണ്ട സംഘര്‍ഷത്തിലേക്ക് നയിച്ചു.
2014: ഐഎസിനെതിരെ ഇറാഖില്‍ പോരാടുന്ന യു.എസ്.
കുവൈത്ത്
1991-ല്‍, ഇറാഖ് ആക്രമിച്ച് രാജ്യം കീഴടക്കിയതിന് ശേഷം കുവൈറ്റിനെ മോചിപ്പിക്കാന്‍ ഓപ്പറേഷന്‍ ഡെസേര്‍ട്ട് സ്റ്റോമില്‍ യുഎസ് വിജയകരമായ സൈനിക പ്രചാരണം കുവൈറ്റില്‍ നിന്ന് ഇറാഖി സേനയെ വേഗത്തില്‍ പുറത്താക്കുകയും അതിന്റെ പരമാധികാരം പുനഃസ്ഥാപിക്കുകയും ചെയ്തു.
ബോസ്നിയയും (1995) & യുഗോസ്ലാവിയയും (1999)
കൊസോവോ യുദ്ധസമയത്ത് സെര്‍ബിയന്‍ സേനയെ ലക്ഷ്യമാക്കി യുഗോസ്ലാവിയയ്‌ക്കെതിരെ നാറ്റോ ഒരു ബോംബിംങ് ക്യാമ്പയിന്‍ നടത്തി. അല്‍ബേനിയക്കാര്‍ക്കെതിരായ സെര്‍ബിയന്‍ സൈന്യത്തിന്റെ വംശീയ ഉന്മൂലനവും മനുഷ്യാവകാശ ലംഘനവും തടയാന്‍ ലക്ഷ്യമിട്ടായിരുന്നു ഇടപെടല്‍. ഓപ്പറേഷന്‍ അലൈഡ് ഫോഴ്സ് എന്നറിയപ്പെടുന്ന ഈ ക്യാമ്പയിന്‍ 78 ദിവസം നീണ്ടുനിന്നു, ഒടുവില്‍ ഐക്യരാഷ്ട്രസഭയുടെ ഇടപെടലോടെ കൊസോവോയില്‍ നിന്ന് സെര്‍ബിയന്‍ സൈനികരെ പിന്‍വലിക്കുകയും സ്വാതന്ത്ര്യ പ്രഖ്യാപനത്തിലേക്ക് വഴിയൊരുക്കുകയും ചെയ്തു.
സൊമാലിയ (1993, 2007, 08, 2010)
ആഭ്യന്തരയുദ്ധസമയത്ത് മാനുഷിക പ്രതിസന്ധികളെ അഭിസംബോധന ചെയ്യുന്നതിനും ക്രമം പുനഃസ്ഥാപിക്കുന്നതിനും ലക്ഷ്യമിട്ടുള്ള ഓപ്പറേഷന്‍ റിസ്റ്റോര്‍ ഹോപ്പിന്റെ ഭാഗമായിരുന്നു സൊമാലിയയിലെ യുഎസ് ഇടപെടല്‍. 2007-08 മുതല്‍, ഇസ്ലാമിസ്റ്റ് ഗ്രൂപ്പായ അല്‍-ഷബാബിനെതിരായ പരിവര്‍ത്തന ഗവണ്‍മെന്റിനെയും സൈനിക നടപടികളെയും യുഎസ് പിന്തുണച്ചു. 2010 മുതല്‍, യുഎസ് പങ്കാളിത്തത്തില്‍ തീവ്രവാദ വിരുദ്ധ ശ്രമങ്ങളും അല്‍-ഷബാബിനെതിരെ പോരാടുന്ന സോമാലിയന്‍ സര്‍ക്കാരിനും ആഫ്രിക്കന്‍ യൂണിയന്‍ സേനയ്ക്കും പിന്തുണയും നല്‍കുന്നു.
സുഡാന്‍
1998-ല്‍, ഭീകരതയെ പിന്തുണയ്ക്കുന്നതില്‍ സുഡാനീസ് സര്‍ക്കാര്‍ ഉദ്യോഗസ്ഥരുടെ പങ്കാളിത്തം ആരോപിക്കപ്പെട്ടതിന് മറുപടിയായി യുഎസ് സുഡാനില്‍ മിസൈല്‍ ആക്രമണം നടത്തി. രാസായുധങ്ങള്‍ നിര്‍മ്മിക്കുന്നുവെന്ന് യുഎസ് സര്‍ക്കാര്‍ അവകാശപ്പെട്ട അല്‍-ഷിഫ ഫാര്‍മസ്യൂട്ടിക്കല്‍ പ്ലാന്റിനെ ലക്ഷ്യമിട്ടായിരുന്നു ആക്രമണം.
യെമന്‍
2002 ല്‍ അല്‍-ഖ്വയ്ദ നേതാവെന്ന് സംശയിക്കുന്നയാളെ ലക്ഷ്യമിട്ട് യെമനില്‍ യുഎസ് വ്യോമാക്രമണം നടത്തി. 2009 മുതലുള്ള, യു.എസ് ഇടപെടലില്‍ തീവ്രവാദ വിരുദ്ധ പ്രവര്‍ത്തനങ്ങളും അറേബ്യന്‍ പെനിന്‍സുലയിലെ അല്‍-ഖ്വയ്ദയെ (AQAP) നേരിടുന്നതില്‍ യെമന്‍ സര്‍ക്കാരിനുള്ള പിന്തുണയും ഉള്‍പ്പെടുന്നു.
പാക്കിസ്ഥാന്‍
2003: അല്‍-ഖ്വയ്ദ, താലിബാന്‍ തീവ്രവാദികളെ ലക്ഷ്യം വയ്ക്കാന്‍, പ്രധാനമായും അഫ്ഗാന്‍-പാക്കിസ്ഥാന്‍ അതിര്‍ത്തിക്കടുത്തുള്ള ഗോത്രമേഖലകളില്‍, യുഎസ് ഡ്രോണ്‍ ആക്രമണം നടത്തി.
2006-2007: പാക്കിസ്ഥാനിലെ തീവ്രവാദികളെ ലക്ഷ്യമിട്ട് വിമത ശൃംഖലകളെ തകര്‍ക്കാനും അഫ്ഗാനിസ്ഥാനിലെ അതിര്‍ത്തി കടന്നുള്ള ആക്രമണങ്ങള്‍ തടയാനും ലക്ഷ്യമിട്ട് യുഎസ് ഡ്രോണ്‍ ആക്രമണങ്ങളും പ്രത്യേക ഓപ്പറേഷനുകളും തുടര്‍ന്നു. ഭീകരതയ്‌ക്കെതിരായ വിശാല യുദ്ധത്തിന്റെ ഭാഗമായിരുന്നു ആക്രമണങ്ങള്‍.
പലസ്തീന്‍
2010-ല്‍, പലസ്തീനിലെ യു.എസ് ഇടപെടല്‍ പ്രധാനമായും ശ്രദ്ധ കേന്ദ്രീകരിച്ചത് ഇസ്രയേലും പലസ്തീനും തമ്മിലുള്ള സമാധാന ചര്‍ച്ചകളെ പിന്തുണയ്ക്കുന്നതിനുള്ള നയതന്ത്ര ശ്രമങ്ങളിലാണ്. സ്റ്റേറ്റ് സെക്രട്ടറി ഹിലരി ക്ലിന്റന്റെ നേതൃത്വത്തിലുള്ള ഒബാമ ഭരണകൂടം, ഇസ്രായേല്‍-പലസ്തീന്‍ സംഘര്‍ഷം പരിഹരിക്കാന്‍ ലക്ഷ്യമിട്ടുള്ള ചര്‍ച്ചകള്‍ സുഗമമാക്കുന്നതിന് ഷട്ടില്‍ ഡിപ്ലോമസിയില്‍ ഏര്‍പ്പെട്ടിരുന്നു. എന്നാല്‍ ഈ ചര്‍ച്ചകള്‍ കാര്യമായ വെല്ലുവിളികളെ അഭിമുഖീകരിച്ചു. പലസ്തീന്‍ അതോറിറ്റിക്ക് സാമ്പത്തിക സഹായവും വര്‍ഷത്തിലുടനീളം സമാധാന സംരംഭങ്ങള്‍ക്കുള്ള പിന്തുണയും യുഎസ് തുടരുന്നുണ്ട്.
സിറിയ
2014 മുതല്‍, സിറിയയില്‍ പ്രാഥമികമായി ഇസ്ലാമിക് സ്റ്റേറ്റിനെ (ഐഎസ്ഐഎസ്) നേരിടാന്‍ സൈനിക പ്രവര്‍ത്തനങ്ങള്‍ യുഎസ് ആരംഭിച്ചു. ഈ പ്രവര്‍ത്തനങ്ങളില്‍ വ്യോമാക്രമണവും ഐഎസിനെതിരെ പോരാടുന്ന പ്രാദേശിക കുര്‍ദിഷ്, അറബ് സേനയ്ക്കുള്ള പിന്തുണയും ഉള്‍പ്പെടുന്നു. ഇറാന്റെ സ്വാധീനത്തെ ചെറുക്കുന്നതിനും മേഖലയെ സുസ്ഥിരമാക്കുന്നതിനുമുള്ള ശ്രമങ്ങള്‍ ഉള്‍പ്പെടുത്താന്‍ ഇടപെടല്‍ വിപുലീകരിച്ചു.
അഫ്ഗാനിസ്ഥാനില്‍ അമേരിക്കയുടെ അധിനിവേശം
2001 സെപ്തംബര്‍ 11 ന് അമേരിക്കയില്‍ നടന്ന ഭീകരാക്രമണത്തെ തുടര്‍ന്ന് ആക്രമണത്തിന്റെ സൂത്രധാരനായിരുന്ന ഒസാമ ബിന്‍ ലാദനെ പിടികൂടുന്നതിനായി ഒക്ടോബര്‍ 7-ന് ഓപ്പറേഷന്‍ എന്‍ഡ്യൂറിംഗ് ഫ്രീഡം എന്ന പേരില്‍ അമേരിക്ക അഫ്ഗാനിസ്ഥാനിലെ താലിബാന്‍ ഭരണകൂടത്തിനെതിരെയുള്ള യുദ്ധം ആരംഭിച്ചു. താലിബാന്‍ സര്‍ക്കാരിനെ താഴെയിറക്കുകയും ബിന്‍ ലാദന്റെ അല്‍-ഖ്വയ്ദ ശൃംഖല തകര്‍ക്കുകയും ചെയ്‌തെങ്കിലും ബിന്‍ ലാദനെ പിടികൂടാന്‍ കഴിഞ്ഞിരുന്നില്ല. തരിന്‍കോട്ട് യുദ്ധം, കുന്ദുസിന്റെ വീഴ്ച, ഓപ്പറേഷന്‍ ട്രെന്റ്, ഖലാ ഇ ജാംഗി യുദ്ധം ഒടുവില്‍ കാന്ദഹാറിലെ വിജയം- ഇങ്ങനെ ആയിരുന്നു പിന്നീട് അമേരിക്കയും സഖ്യസേനകളും അഫ്ഗാനിസ്ഥാന്‍ കീഴ്‌പ്പെടുത്തിയത്. 2006-ല്‍, യുഎസ് സൈന്യം രാജ്യത്തിന്റെ സുരക്ഷാ മേഖലയില്‍ നാറ്റോ വിന്യസിച്ച സേനയെ ഏല്‍പ്പിച്ചു, അവരുടെ 20,000 സൈനികരില്‍ 12,000 പേരെ നാറ്റോയുടെ 20,000 സൈനികരുമായി സംയോജിപ്പിച്ചു. ബാക്കിയുള്ള യുഎസ് സേന അല്‍-ഖ്വയ്ദ തീവ്രവാദികള്‍ക്കായി തിരച്ചില്‍ തുടര്‍ന്നു. അതിജീവിച്ച പല വിമതരും വീണ്ടും സംഘടിക്കാന്‍ തുടങ്ങി, താമസിയാതെ നാറ്റോ, അഫ്ഗാന്‍ നാഷണല്‍ ആര്‍മി സേനകളുമായി ഇടപഴകാന്‍ തുടങ്ങി, പാശ്ചാത്യ സേനയുടെ പിന്‍വാങ്ങലും കാബൂള്‍ താലിബാന്‍ പിടിച്ചെടുക്കലും വരെ നീണ്ടുനിന്ന ഒരു നീണ്ട യുദ്ധം ആരംഭിച്ചു. 2011 മെയ് 2 ന് പാകിസ്ഥാനില്‍ വെച്ച് യുഎസ് സേനയുടെ വെടിയേറ്റ് ബിന്‍ ലാദന്‍ കൊല്ലപ്പെട്ടു.
ഈ പട്ടികയിലേക്ക് ഇറാഖിനേയും കൊണ്ടുവരാനാണ് അമേരിക്ക ശ്രമിക്കുന്നത് എന്നുവേണം കരുതാന്‍. അതിന് വേണ്ടിയാണ് അവര്‍ ഇസ്രയേലിനെ കൂട്ടുപിടിച്ച് പശ്ചിമേഷ്യയില്‍ സംഘര്‍ഷം വിതയ്ക്കുന്നത്. ആയിരക്കണക്കിന് അമേരിക്കന്‍ സൈനികരും പടക്കപ്പലുകളും യുദ്ധവിമാനങ്ങളും മേഖലയില്‍ നിലയുറപ്പിച്ചിരിക്കുകയാണ്. ഇറാനും ഇസ്രയേലും തമ്മിലുള്ള കണക്കുകള്‍ അവര്‍ തമ്മില്‍ തീര്‍ക്കട്ടെ എന്ന് കരുതി മാറി നില്‍ക്കുന്നതിന് പകരം ഇറാനെ ആക്രമിക്കാനുള്ള അമേരിക്കന്‍ തീരുമാനം ആ രാജ്യത്തിന്റെ അധിനിവേശ താല്‍പര്യവും യുദ്ധക്കൊതിയും വ്യക്തമാക്കുന്നതാണ്. എന്നാല്‍, പേര്‍ഷ്യന്‍ പോരാളികളായ ഇറാനെ കീഴ്പ്പെടുത്തുക അത്ര എളുപ്പമുള്ള കാര്യമൊന്നുമല്ല അഥവാ അമേരിക്ക ഇറാനില്‍ കാലുകുത്തിയാല്‍ വിയറ്റ്നാമില്‍ നിന്നും അഫ്ഗാനിസ്ഥാനില്‍ നിന്നും പലായനം ചെയ്തതു പോലെ നാണംകെട്ട് ഓടേണ്ട അവസ്ഥയാണ് ഉണ്ടാവുക. അതാകട്ടെ വ്യക്തവുമാണ്.
റിപ്പോർട്ടർ ; മിന്നു വിൽസൺ
EXPRESS VIEW
