മലപ്പുറം: മലപ്പുറത്ത് സർക്കാർ ജീവനക്കാരാണ് പാമ്പ് കടിയേറ്റു. ജില്ലാ വിദ്യാഭ്യാസ ഓഫീസ് അറ്റൻഡറായ മുഹമ്മദ് ജൗഹറിനാണ് ഓഫീസ് അടയ്ക്കുന്നതിനിടെ പാമ്പ് കടിയേറ്റത്. ബുധനാഴ്ച വൈകീട്ടോടെയാണ് സംഭവം. ഓരോരോ സെക്ഷനായി അടയ്ക്കുമ്പോൾ ഒരു സെക്ഷനിലെ റാക്കിൽനിന്ന് പാമ്പ് കടിക്കുകയായിരുന്നു.
ഉടനെ മഞ്ചേരി മെഡിക്കൽ കോളേജ് ആശുപത്രിയിലെത്തിച്ചു. വിഷമില്ലാത്ത ഇനമായ മോൺടെൻ ട്രിൻകറ്റ് വിഭാഗത്തിൽപ്പെട്ട പാമ്പാണ് കടിച്ചതെന്നാണ് വിദഗ്ധർ പറയുന്നത്.
