കുവൈത്ത് സിറ്റി: കുവൈറ്റിലെ ഫർവാനിയയിൽ ഇന്ത്യൻ സ്വദേശിയെ കൊലപ്പെടുത്തിയ കേസിൽ പ്രതിയെ തടങ്കലിൽ വെക്കാൻ കുവൈറ്റി പബ്ലിക് പ്രോസിക്യൂഷൻ ഉത്തരവിട്ടു. കേസിൽ ഇന്ത്യൻ പ്രവാസി നേരത്തെ പിടിയിലായിരുന്നു. ഇരുവർക്കും ഇടയിലുണ്ടായ വാക്കേറ്റമാണ് കൊലയിലേക്ക് നയിച്ചതെന്നാണ് സൂചന.
പ്രതിയെ ബലാത്സംഗം ചെയ്യുകയും തുടർന്ന് ആക്രമണം ചിത്രീകരിക്കുകയും ആ വിഡിയോ ക്ലിപ്പ് പ്രസിദ്ധീകരിക്കുമെന്ന് ഭീഷണിപ്പെടുത്തുകയും ചെയ്തതാണ് വാക്കേറ്റത്തിന് കാരണമായതെന്ന് പ്രാദേശിക മാധ്യമങ്ങൾ റിപ്പോർട്ടു ചെയ്തു. അന്വേഷണം തുടരാൻ ജനറൽ ഡിപ്പാർട്ട്‌മെൻറ് ഓഫ് ക്രിമിനൽ ഇൻവെസ്റ്റിഗേഷനെ ചുമതലപ്പെടുത്തിയിട്ടുണ്ട്. അതേസമയം അന്വേഷണ നടപടികൾ പുരോഗമിക്കുകയാണ്.
