അനുഷ്‌ക ഷെട്ടി പ്രധാന കഥാപാത്രമായി എത്തുന്ന ചിത്രമാണ് ‘ഘാട്ടി’. ചിത്രത്തിന്റെ ഫസ്റ്റ് ലുക്ക് അനുഷ്‌കയുടെ ജന്മദിനമായ നവംബര്‍ 7 ന് പുറത്തിറങ്ങി. സംവിധായകന്‍ കൃഷ് ജഗര്‍ലമുടിയും അനുഷ്‌കയും വീണ്ടും ഒന്നിക്കുന്ന ചിത്രത്തിന്റെ ഫസ്റ്റ്‌ലുക്ക് ഗംഭീരമെന്നാണ് സോഷ്യല്‍ മീഡിയ പ്രതികരണം. വയലന്‍സിന് ഏറെ പ്രാധാന്യമുള്ള ചിത്രത്തില്‍ ശക്തമായ വേഷത്തിലാണ് അനുഷ്‌ക എത്തുന്നത്.
Also Read:ടാക്‌സി ഡ്രൈവറായി മോഹന്‍ലാല്‍; തരുണ്‍ മൂര്‍ത്തി ചിത്രത്തിന് പേരായി
തെലുങ്കിലെ പ്രമുഖ ബാനറായ യുവി ക്രിയേഷന്‍സാണ് ചിത്രം നിര്‍മ്മിക്കുന്നത്. ‘ഇര, ക്രിമിനല്‍, ഇതിഹാസം’ ഘാട്ടി ഇനി രാജ്ഞി ഭരിക്കും’ എന്ന ക്യാപ്ഷനോടെയാണ് ഫസ്റ്റ്‌ലുക്ക് ഇറങ്ങിയിരിക്കുന്നത്. ഫസ്റ്റ് ലുക്കില്‍ ഞെട്ടിപ്പിക്കുന്ന വേഷത്തിലാണ് അനുഷ്‌ക എത്തുന്നത്. തലയില്‍ നിന്നും കൈകളില്‍ നിന്നും രക്തം ഒലിച്ചിറങ്ങുന്ന അനുഷ്‌ക പുക വലിക്കുന്നതായി കാണാം. ഒരു ആദിവാസി യുവതിയുടെ ലുക്കിലാണ് അനുഷ്‌ക എത്തുന്നത്. ഒരു ലേഡി ഗ്യാങ്ങ് സ്റ്റര്‍ കഥയാണ് ഘാട്ടിയെന്ന് നേരത്തെ സൂചനകള്‍ ഉണ്ടായിരുന്നു.
