ജയസൂര്യയെ നായകനാക്കി റോജിന്‍ തോമസ് ഒരുക്കുന്ന ചിത്രമാണ് ‘കത്തനാര്‍’. ചിത്രത്തിന്റെ ഷൂട്ടിംഗ് പൂര്‍ത്തിയായി ഇപ്പോള്‍ പോസ്റ്റ് പ്രൊഡക്ഷനിലാണ്. ചിത്രത്തിലെ നായികയായി എത്തുന്ന അനുഷ്‌ക ഷെട്ടിയാണ്. അനുഷ്‌കയുടെ ആദ്യത്തെ മലയാള ചിത്രമാണ് കത്തനാര്‍. ഇപ്പോള്‍ ചിത്രത്തിലെ അനുഷ്‌ക ഷെട്ടിയുടെ ക്യാരക്ടര്‍ പോസ്റ്റര്‍ പുറത്തുവിട്ടിരിക്കുകയാണ് അണിയറക്കാര്‍. നില എന്ന റോളാണ് അനുഷ്‌കയ്ക്ക് എന്നാണ് കത്തനാര്‍ അണിയറക്കാര്‍ പുറത്തുവിട്ട ക്യാരക്ടര്‍ പോസ്റ്റര്‍ വെളിവാക്കുന്നത്. അനുഷ്‌ക ഷെട്ടിയുടെ ജന്മദിനത്തിലാണ് പോസ്റ്റര്‍ പുറത്തുവിട്ടിരിക്കുന്നത്.
ഒന്നര പതിറ്റാണ്ടിലേറെയായി സിനിമാലോകത്തുള്ള താരത്തിന് ജന്മദിനാശംസ നേര്‍ന്ന് കത്തനാറായി എത്തുന്ന ജയസൂര്യ ഈ പോസ്റ്റര്‍ ഷെയര്‍ ചെയ്തിട്ടുണ്ട്. ശ്രീ ഗോകുലം മൂവീസിന്റെ ബാനറില്‍ ഗോകുലം ഗോപാലന്‍ ആണ് ചിത്രം നിര്‍മ്മിക്കുന്നത്. ആര്‍ രാമാനന്ദ് ആണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ക്യാമറ കൈകാര്യം ചെയ്യുന്നത് നീല്‍ ഡിക്കൂഞ്ഞയാണ്. സംഗീതം രാഹുല്‍ സുബ്രഹ്‌മണ്യം.
എക്‌സിക്യൂട്ടീവ് പ്രൊഡ്യൂസര്‍ കൃഷ്ണമൂര്‍ത്തി, കോ പ്രൊഡ്യൂസേഴ്‌സ് വി സി പ്രവീണ്‍, ബൈജു ഗോപാലന്‍, പ്രൊഡക്ഷന്‍ ഡിസൈനര്‍ രാജീവന്‍, വിഎഫ്എക്‌സ് സൂപ്പര്‍വൈസര്‍ വിഷ്ണുരാജ്, വെര്‍ച്വല്‍ പ്രൊഡക്ഷന്‍ ഹെഡ് സെന്തില്‍ നാഥന്‍, കോസ്റ്റ്യൂം ഡിസൈനര്‍ ഉത്തര മേനോന്‍, മേക്കപ്പ് റോണക്‌സ് സേവ്യര്‍, ആക്ഷന്‍ ഡയറക്ടര്‍ ജെജെ പാര്‍ക്ക്, പ്രൊഡക്ഷന്‍ കണ്‍ട്രോളര്‍ സിദ്ധു പനക്കല്‍.
കലാസംവിധാനം അജി കുട്ട്യാനി, റാം പ്രസാദ്, സൗണ്ട് മിക്‌സിംഗ് അജിത് എ ജോര്‍ജ്ജ്, ചീഫ് അസോസിയേറ്റ് ഡയറക്ടേഴ്‌സ് ഗോപേഷ് ശരത്, ഷാലം, ഗാനരചന അരുണ്‍ ആലാട്ട്, വിനായക് ശശികുമാര്‍, സച്ചിന്‍ എസ് കുമാര്‍, കളറിസ്റ്റ് ശ്രീക് വാര്യര്‍, സൗണ്ട് ഡിസൈനര്‍ അനക്‌സ് കുര്യന്‍, അലീന്‍ ജോണി, സ്‌പെല്‍സ് ഭാവദാസ്, സ്റ്റില്‍സ് റിഷ്‌ലാല്‍ ഉണ്ണികൃഷ്ണന്‍, വിഎഫ്ക്‌സ്, വെര്‍ച്വല്‍ പ്രൊഡക്ഷന്‍, ഡിഐ സ്റ്റുഡിയോ പോയെറ്റിക്, മാര്‍ക്കറ്റിംഗ് സ്‌നേക്ക്പ്ലാന്റ്.
