ആരോഗ്യകരമായ ഭക്ഷണം കഴിക്കണമെന്ന് നമ്മൾ എല്ലാവരും ആഗ്രഹിക്കുന്ന കാര്യമാണ്. എന്നാൽ ഭക്ഷണം കഴിച്ചാൽ മാത്രം പോരാ, അത് എത്ര തവണ കഴിക്കണം, എങ്ങനെ കഴിക്കണം, എങ്ങനെ ചവയ്ക്കണമെന്നോക്കെ കാര്യങ്ങൾ നോക്കേണ്ടത് അതിലും വളരെ പ്രധാനമാണ്. പ്രത്യേകിച്ച് ഭക്ഷണം ചവിച്ച് കഴിക്കുന്നതിൻ്റെ ഗുണങ്ങൾ ഇപ്പോഴും പലർക്കും അറിയില്ല. നന്നായി ചവച്ച് ഭക്ഷണം കഴിക്കുന്നത് ആരോഗ്യത്തിന് തന്നെ വളരെ പ്രധാനമാണ്. ദഹനം നല്ല രീതിയിൽ നടക്കുന്നതിനും, പ്രമേഹം പോലെയുള്ള രോഗാവസ്ഥയെ കുറയ്ക്കാനും അമിതഭാരം കുറയ്ക്കാനുമൊക്കെ ഭക്ഷണം ചവച്ച് കഴിക്കേണ്ടത് വളരെ പ്രധാനമാണ്.
പതുക്കെ ചവയ്ക്കുക
പതുക്കെ ചവച്ചരച്ച് കഴിക്കുന്നത് പലപ്പോഴും ആരോഗ്യത്തിന് വളരെ പ്രധാനമാണ്. നന്നായി ചവയ്ക്കുമ്പോൾ ഭക്ഷണം ചെറിയ ഭാഗങ്ങളായി മാറുന്നു. ഇത് എളുപ്പത്തിൽ ദഹിക്കാൻ സഹായിക്കും. അമേരിക്കൻ ജേണൽ ഓഫ് ക്ലിനിക്കൽ ന്യൂട്രീഷനിൽ പ്രസിദ്ധീകരിച്ച ഒരു പഠനത്തിൽ 40 തവണ ചവയ്ക്കുന്നത് വിശപ്പിൻ്റെ ഹോർമോണായ ഗ്രെലിനെ കുറയ്ക്കാനും,കഴിക്കുന്നതിൽ പൂർണ്ണത അനുഭവപ്പെടാനും സഹായിക്കും. ഇത് സമഗ്രമായി സൂചിപ്പിക്കുന്നത് ചവയ്ക്കുന്നത് വിശപ്പ് നിയന്ത്രിക്കാനും അമിതമായി ഭക്ഷണം കഴിക്കുന്നത് തടയാനും സഹായിക്കുമെന്നതാണ്. ഭാരം കുറയ്ക്കാൻ ഇത് പ്രധാനമാണ് എന്നാണിത് സൂചിപ്പിക്കുന്നത്.
ചവയ്ക്കുന്നതും പ്രമേഹവും തമ്മിൽ ബന്ധം?
അതെ, ഭക്ഷണം ചവയ്ക്കുന്നതും പ്രമേഹവും തമ്മിൽ ബന്ധമുണ്ട്. ലോകമെമ്പാടും ഉള്ള ദശലക്ഷക്കണക്കിന് ആളുകളെയാണ് പ്രമേഹം എന്ന രോഗം ബാധിച്ചിരിക്കുന്നത്. മെറ്റബോളിസത്തിലെ പ്രശ്നങ്ങളാണ് ഇതിൻ്റെ പ്രധാന കാരണം. നാം ഭക്ഷണം ചവയ്ക്കുന്ന വേഗത നമ്മുടെ അപകട സാധ്യതയെ സ്വാധീനിക്കുകയും പ്രമേഹം വികസിപ്പിക്കുകയും ചെയ്യുന്നു. അന്നൽസ് ഓഫ് പീഡിയാട്രിക് എൻഡോക്രൈനോളജി & ജേണലിൽ പ്രസിദ്ധീകരിച്ച ഒരു പഠനം വേഗത്തിൽ ഭക്ഷണം കഴിക്കുന്ന വ്യക്തികളിൽ പ്രമേഹത്തിൻ്റെ സാധ്യത കൂടുതലാണെന്ന് ഗവേഷകർ കണ്ടെത്തിയിട്ടുണ്ട്. ടൈപ്പ് 2 പ്രമേഹത്തിൻ്റെ മുന്നോടിയായ ഇൻസുലിൻ പ്രതിരോധം വികസിപ്പിക്കുക. ഇൻസുലിൻ പ്രതിരോധം സംഭവിക്കുമ്പോൾ ശരീരത്തിലെ കോശങ്ങൾ ഇൻസുലിനോട് ശരിയായി പ്രതികരിക്കുന്നില്ല, ഇത് രക്തത്തിലെ പഞ്ചസാരയുടെ അളവ് വർദ്ധിപ്പിക്കുന്നതിലേക്ക് നയിക്കുന്നു.
പ്രമേഹം നിയന്തിക്കാൻ
ഭക്ഷണം സാവധാനം നന്നായി ചവയ്ക്കുന്നതിലൂടെ, രക്തത്തിലെ പഞ്ചസാരയുടെ അളവ് നിയന്ത്രിക്കാനും കൂടാതെ നമുക്ക് ഇൻസുലിൻ സംവേദനക്ഷമത മെച്ചപ്പെടുത്താനും സഹായിക്കുന്നു. ചവയ്ക്കുന്നതിലൂടെ ഉമിനീർ ഉൽപാദനത്തെ ഉത്തേജിപ്പിക്കുന്നു. ഇതിൽ കാർബോഹൈഡ്രേറ്റുകളെ ദഹിക്കാൻ സഹായിക്കുന്ന എൻസൈമുകൾ അടങ്ങിയിട്ടുണ്ട്. അത് രക്തത്തിലെ പഞ്ചസാരയുടെ അളവ് പെട്ടെന്ന് ഉയരുന്നത് തടയാനും ഇൻസുലിൻ സാധ്യത കുറയ്ക്കാനും കാർബോഹൈഡ്രേറ്റ് സഹായിക്കും, ഇത് പ്രമേഹം പ്രതിരോധിക്കുന്നു.
ഭാരം കുറയ്ക്കാൻ
ഭക്ഷണക്രമം, വ്യായാമം, മെറ്റബോളിസം ഉൾപ്പെടെ വിവിധ ഘടകങ്ങളാൽ സ്വാധീനിക്കപ്പെടുന്നതും,മനുഷ്യരിൽ കാണുന്നതുമായ ഒരു സങ്കീർണ്ണ പ്രശ്നമാണ് ഭാരം. ഭക്ഷണം നന്നായി ചവയ്ക്കുക എന്ന ലളിതമായ ശീലം ഭാരം നിയന്ത്രിക്കുന്നതിൽ വളരെ പ്രധാന പങ്ക് വഹിക്കുന്നുണ്ട്. ജേർണൽ ഓഫ് ദി അക്കാദമിയിൽ പ്രസിദ്ധീകരിച്ച പോഷകാഹാരവും ഭക്ഷണക്രമവും എന്ന പഠനത്തിൽ വേഗത്തിൽ ഭക്ഷണം കഴിക്കുന്നവരെക്കാൾ ഭക്ഷണം ചവച്ച് കഴിക്കുന്ന ആളുകളിൽ കലോറി ഉപഭോഗം പതുക്കെ കുറയുന്നതായി പറയുന്നു. സാവധാനത്തിൽ ഭക്ഷണം കഴിക്കുന്നവർക്ക് പെട്ടെന്ന് പൂർണ്ണത അനുഭവപ്പെടുമെന്നതാണ് ഇതിന് കാരണം. ഇത് അമിതമായി ഭക്ഷണം കഴിക്കുന്നത് തടയാനും ശരീരഭാരം കുറയ്ക്കാനുള്ള ശ്രമങ്ങളെ പിന്തുണയ്ക്കാനും വളരെ സഹായിക്കുന്നു.
