നമ്മുടെ ചര്‍മ്മം പോലെ തന്നെ മുടിക്കും പരിചരണവും ശ്രദ്ധയും ആവശ്യമാണ്. യഥാര്‍ത്ഥത്തില്‍ ഭൂരിഭാഗം പേരും തികച്ചും ആരോഗ്യമുള്ള മുടിയോടെയാണ് ജനിച്ചത്. എന്നാല്‍ മുടി ഉല്‍പന്നങ്ങളിലെ രാസ വിഷാംശം, പരിസ്ഥിതി മലിനീകരണം തുടങ്ങിയ ഘടകങ്ങള്‍ കാരണം പലതരത്തിലുള്ള മുടി പ്രശ്‌നങ്ങള്‍ അനുഭവപ്പെടുന്നു. ഇന്ന് സ്ത്രീകളും പുരുഷന്‍മാരും നേരിടുന്ന ഒരു സാധാരണ പ്രശ്നമാണ് നെറ്റി കയറല്‍. പുരുഷന്‍മാരില്‍ പൊതുവെ ഇത് കൂടുതലായി കാണപ്പെടുന്നു. പലരും ഇത് കഷണ്ടിയിലേക്ക് എത്തും എന്നും ഭയപ്പെടുന്നു. എന്നാല്‍ വീട്ടില്‍ നിന്ന് തന്നെ ചെയ്യാവുന്ന ചില പൊടിക്കൈകളിലൂടെ ഇത് മാറ്റിയെടുക്കാവുന്നതാണ്. ഈ ചികിത്സയ്ക്ക് ആവശ്യമായ ഘടകം പോഷകങ്ങളുടെയും വിറ്റാമിനുകളുടെയും സാന്നിധ്യമാണ്. ഇത് മുട്ടകളില്‍ സമൃദ്ധമായി ലഭിക്കും എന്നത് എല്ലാവര്‍ക്കും അറിയുമായിരിക്കും. മുടിയില്‍ മുട്ട ഉപയോഗിക്കുന്നതിന്റെ ഗുണങ്ങള്‍ എന്തൊക്കെയാണ് എന്ന് നോക്കാം. മുടിയുടെ വളര്‍ച്ചയെ പ്രോത്സാഹിപ്പിക്കുന്ന അമിനോ ആസിഡുകള്‍ മുട്ടയില്‍ അടങ്ങിയിട്ടുണ്ട്. മുട്ടയുടെ വെളുത്ത ഭാഗത്ത് എന്‍സൈമുകളും സെബവും അടങ്ങിയിട്ടുണ്ട്. ഇത് നിങ്ങള്‍ക്ക് ശുചിത്വം പാലിക്കാനും ബാക്ടീരിയ വളര്‍ച്ചയില്‍ നിന്ന് അകന്നുനില്‍ക്കാനും കഴിയുമെന്ന് ഉറപ്പാക്കുന്നു.
ഇത് ഫാറ്റി ആസിഡുകളുടെ സമ്പന്നമായ ഉറവിടമാണ്. ഇത് വരള്‍ച്ചയ്ക്കും പുറംതൊലിക്കും എതിരെ പോരാടാന്‍ സഹായിക്കുന്നു. മുട്ടയിലെ ആന്റിഓക്‌സിഡന്റുകള്‍ തലയോട്ടിയെ പോഷിപ്പിക്കുകയും മുടിയെ നശിപ്പിക്കുന്ന ഫ്രീ റാഡിക്കലുകളുടെ പ്രവര്‍ത്തനങ്ങളെ ചെറുക്കുകയും ചെയ്യുന്നു. വിറ്റാമിന്‍ എ, ബി, സി, ഡി, ഇ എന്നിവയുടെ ഗുണം മുടികൊഴിച്ചില്‍ തടയാന്‍ സഹായിക്കുന്നു. മുട്ടയുടെ മഞ്ഞക്കരുവില്‍ ലെസിത്തിന്‍ എന്ന ഒരു പദാര്‍ത്ഥം അടങ്ങിയിരിക്കുന്നു. ഇത് മുടിയുടെ അവസ്ഥ മെച്ചപ്പെടുത്തുന്നു. മുട്ടയില്‍ സള്‍ഫര്‍, സിങ്ക്, ചെമ്പ്, ഇരുമ്പ്, സെലിനിയം തുടങ്ങിയ ധാതുക്കളും അടങ്ങിയിട്ടുണ്ട്. ഇത് ട്രീസിന്റെ അളവ് വര്‍ധിപ്പിക്കുന്നു. നെറ്റികയറലിനും മുടി കൊഴിച്ചിലിനും മുട്ട ഹെയര്‍ മാസ്‌കാണ് ഏറ്റവും ഫലപ്രദം. എങ്ങനെയാണ് മുട്ട ഹെയര്‍ മാസ്‌ക് ഉണ്ടാക്കേണ്ടത് എന്ന് നോക്കാം. രണ്ട് മുട്ടകള്‍, ഒന്നര ടീസ്പൂണ്‍ തേന്‍, രണ്ട് ടീസ്പൂണ്‍ ഒലിവ് ഓയില്‍, രണ്ട് ടീസ്പൂണ്‍ കറ്റാര്‍ വാഴ ജെല്‍ എന്നിവയാണ് ഇതിന് ആവശ്യമായ ചേരുവകള്‍. ആദ്യം ഒരു പാത്രത്തില്‍ മുട്ട പൊട്ടിക്കുക. ഈ പാത്രത്തില്‍ തേന്‍, ഒലിവ് ഓയില്‍, കറ്റാര്‍ വാഴ എന്നിവ ചേര്‍ക്കുക. എല്ലാ ചേരുവകളും ചേര്‍ത്ത് ഒരു പേസ്റ്റ് ഉണ്ടാക്കുക. നിങ്ങളുടെ തലയോട്ടിയിലും മുടിയിലും പേസ്റ്റ് പുരട്ടുക. 30 മുതല്‍ 40 മിനിറ്റ് വരെ ഇത് വിടുക. തണുത്ത വെള്ളവും വീര്യം കുറഞ്ഞ ഷാംപൂവും ഉപയോഗിച്ച് മുടി കഴുകുക. മികച്ച ഫലങ്ങള്‍ക്കായി നിങ്ങള്‍ ആഴ്ചയില്‍ ഒരിക്കലെങ്കിലും ഈ ഹെയര്‍ മാസ്‌ക് പ്രയോഗിക്കുന്നത് നല്ലതാണ്. മുട്ട മുടിയില്‍ ഉപയോഗിക്കുമ്പോള്‍ പലരും ആശങ്കപ്പെടുന്ന കാര്യം അതിന്റെ രൂക്ഷമായ ഗന്ധത്തക്കെുറിച്ചായിരിക്കും. വിഷമിക്കേണ്ട, അതിനും പരിഹാരം ഉണ്ട്. മുടിയില്‍ നിന്ന് മുട്ട മാസ്‌ക് കഴുകാന്‍ ഒരിക്കലും ചൂടുവെള്ളം ഉപയോഗിക്കരുത്. എന്നാല്‍ വിനാഗിരി സഹായകരമാണ്. മുടി കഴുകാന്‍ ഇത് വെള്ളത്തില്‍ ചേര്‍ക്കുന്നത് ഗുണപരമായിരിക്കും.
