കേരളത്തിലെ വാർത്ത ചാനൽ പോരാട്ടത്തിൽ ഒന്നാം സ്ഥാനം കൈവിടാതെ മുന്നോട്ട് കുതിച്ച് ഏഷ്യാനെറ്റ്. കഴിഞ്ഞ തവണ 91.48 ആയിരുന്ന പോയിന്റ് ഇത്തവണ 90.67 പോയന്റിലേക്കായി. അതേസമയം രണ്ടാം സ്ഥാനത്ത് തുടരുന്ന റിപ്പോർട്ടർ ടിവി ഇത്തവണ 77.86 പോയിന്റിൽ നിന്ന് 75.13 ലേക്ക് കുറഞ്ഞു. തുടർച്ചയായി മൂന്നാം സ്ഥാനം കൈവിടാതെ തുടരുന്ന ട്വന്റി ഫോർ ന്യൂസ് 62.89 പോയിന്റിൽ നിന്നും 55.25 ലേക്കായി.
മനോരമ ന്യൂസ് 41.99 പോയിന്റുമായി നാലാം സ്ഥാനത്തും, 33.31 പോയിന്റുമായി മാതൃഭൂമി ന്യൂസ് അഞ്ചാം സ്ഥാനത്തുമാണുള്ളത്. 22.77 പോയിന്റുമായി ജനം ടിവി ആറാം സ്ഥാനം നിലനിർത്തുമ്പോൾ 21.22 പോയിന്റുകളോടെ കൈരളി ടിവി പട്ടികയിൽ ഏഴാമതാണ്. 12.39 പോയിന്റോടെ ന്യൂസ് 18 എട്ടാമതും, 9.35 പോയിന്റോടെ മീഡിയാ വൺ ഒമ്പതാം സ്ഥാനത്തുമാണെത്തിനിൽക്കുന്നത്.
