ഏഷ്യാനെറ്റ് ന്യൂസ് മുന്നിൽ തന്നെ, തൊട്ട് പിന്നിൽ റിപ്പോർട്ടർ

കേരളത്തിലെ വാർത്ത ചാനൽ പോരാട്ടത്തിൽ ഒന്നാം സ്ഥാനം കൈവിടാതെ ഏഷ്യാനെറ്റ് ന്യൂസ് മുന്നിൽ തന്നെ. കഴിഞ്ഞ തവണ 93.74 പോയിന്റിലായിരുന്ന ഏഷ്യാനെറ്റ് ന്യൂസ് ഇക്കുറി 95.98 ലേക്ക് ഉയർന്നിട്ടുണ്ട്. അതേ സമയം റിപ്പോർട്ടർ ടിവി ഇത്തവണയും രണ്ടാം സ്ഥാനത്ത് തുടരുകയാണ്, എന്നാൽ 88.79 പോയിന്റിൽ നിന്ന് 86.43 ലേക്ക് ചാനൽ കൂപ്പ് കുത്തി എന്നത് ശ്രദ്ധേയമാണ്.

തുടർച്ചയായി മൂന്നാം സ്ഥാനം കൈവിടാതെ തുടരുന്ന ട്വന്റി ഫോർ ന്യൂസിനും പോയിന്റിൽ കുറവുണ്ട്. കഴിഞ്ഞ തവണ 80.92 പോയിന്റായിരുന്നെങ്കിൽ ഇക്കുറിയത് 71.02 ലേക്ക് ഇടിഞ്ഞു.

മനോരമ ന്യൂസ് 49.14 പോയിന്റോടെ നാലാം സ്ഥാനത്തും, 36.46 പോയിന്റോടെ മാതൃഭൂമി അഞ്ചാം സ്ഥാനത്തുമാണ്. ആറാം സ്ഥാനം നിലനിർത്തിയ ജനം ടിവിക്ക് ലഭിച്ചിരിക്കുന്നത് 21.61പോയിന്റാണ്.

Also Read: ഒന്നാം സ്ഥാനം കൈവിടാതെ ഏഷ്യാനെറ്റ്, നില വീണ്ടും മെച്ചപ്പെടുത്തി

ജനം ടിവിക്ക് തൊട്ട് പിന്നാലെ 21. 35 പോയിന്റുമായി കൈരളി പട്ടികയിൽ ഏഴാമതാണ്. 15.21 പോയിന്റോടെ ന്യൂസ് 18 എട്ടാമതും 10.28 പോയിന്റോടെ മീഡിയാ വൺ ഒമ്പതാം സ്ഥാനത്തുമാണ് നിൽക്കുന്നത്.