എരുമേലി: പൊലീസ് ഉദ്യോഗസ്ഥനെ ആക്രമിച്ച യുവാവിനെ അറസ്റ്റ് ചെയ്തു. ട്രാഫിക് ഡ്യൂട്ടി ചെയ്തിരുന്ന പോലീസിനെയാണ് യുവാവ് ആക്രമിച്ചത്. എരുമേലി കരിനിലം ഇടകടത്തി ചപ്പാത്ത് ഭാഗത്ത് വാടകയ്ക്ക് താമസിക്കുന്ന നിഥിൻ ബാബുവിനെയാണ് (29) എരുമേലി പൊലീസ് അറസ്റ്റ് ചെയ്തത്.
കൊരട്ടി ഭാഗത്ത് മണ്ഡല മകരവിളക്ക് ഡ്യൂട്ടിയോടനുബന്ധിച്ച് ട്രാഫിക് ഡ്യൂട്ടി ചെയ്തിരുന്ന പൊലീസ് ഉദ്യോഗസ്ഥനെ ഇയാൾ ചീത്തവിളിക്കുകയും ഉദ്യോഗസ്ഥൻ ധരിച്ചിരുന്ന യൂണിഫോം നശിപ്പിക്കുകയും ആക്രമിക്കുകയുമായിരുന്നു.
Also Read : യുവതിയെ ബസിൽ തട്ടിക്കൊണ്ടുപോയി കൂട്ടബലാത്സംഗം ചെയ്ത കേസ്; 26 വർഷത്തിനുശേഷം പ്രതി പിടിയിൽ
തുടർന്ന് കൂടുതൽ പൊലീസ് എത്തിയാണ് ഇയാളെ കീഴ്പ്പെടുത്തിയത്. പോലീസ് പിടിയിലായ നിഥിൻ എരുമേലി സ്റ്റേഷനിൽ വേറെയും ക്രിമിനൽകേസിൽ പ്രതിയാണ്. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.
