പാറശ്ശാല: ചെങ്കല്‍ സ്വദേശിയായ യുവാവിനെ ഒക്ടോബര്‍ 19ന് മാരകായുധങ്ങളുമായി ആക്രമിച്ച് കൊലപ്പെടുത്താന്‍ ശ്രമിച്ച കേസില്‍ കൂടുതല്‍ ക്വട്ടേഷന്‍ അംഗങ്ങള്‍ അറസ്റ്റിലായി.
കാട്ടാക്കട പൂവച്ചല്‍ കാപ്പിക്കാട് സ്വദേശികളായ ഷഹനാസ് (25), അജിത്ത് രാജ് (26), പൂവച്ചല്‍ കോട്ടക്കുഴി സ്വദേശി ശ്രീദിഷ് (25) എന്നിവരാണ് പോലീസിന്റെ പിടിയിലായത്.
Also Read: പണയം വെക്കാൻ നൽകിയ ആഭരണങ്ങളെക്കുറിച്ച് തർക്കം; ഭാര്യയെ കൊലപ്പെടുത്തി
വസ്തുതര്‍ക്കത്തിന്റെ പേരില്‍ ചെങ്കല്‍സ്വദേശിയായ യുവാവിനെ ക്വട്ടേഷന്‍ നല്‍കി വകവരുത്താന്‍ ശ്രമിച്ച കേസിൽ സജി കുമാര്‍, സുജിത്ത്, രവി, അജി എന്നിവര്‍ നേരത്തേ അറസ്റ്റിലായിരുന്നു. കേസിലെ ഒന്നാം പ്രതി പൊലീസുദ്യോഗസ്ഥന്‍ ബൈജു, മൂന്നാം പ്രതി അഭിഭാഷകന്‍ അഖില്‍ സുകുമാരന്‍ എന്നിവര്‍ ഇപ്പോഴും ഒളിവിലാണ്. ഇവര്‍ക്കായി തിരച്ചില്‍ ഊര്‍ജിതമാക്കിയതായും വൈകാതെ അറസ്റ്റ് ചെയ്യുമെന്നും ഇന്‍സ്‌പെക്ടര്‍ സജി എസ്.എസ് അറിയിച്ചു.
