പാലാ: അന്തര്‍സംസ്ഥാന തൊഴിലാളികള്‍ താമസിക്കുന്ന വീട്ടില്‍ അതിക്രമിച്ചു കയറി മോഷണം നടത്താന്‍ ശ്രമിച്ച യുവാവ് അറസ്റ്റില്‍. പാലാ ളാലം പയപ്പാര്‍ ഭാഗത്ത് ഇലവുങ്കല്‍ സെബിന്‍ സെബാസ്റ്റ്യനാണ് (27) അറസ്റ്റിലായത്.
ഇയാള്‍ കഴിഞ്ഞ ദിവസം അന്തര്‍സംസ്ഥാന തൊഴിലാളികള്‍ താമസിക്കുന്ന പയപ്പാര്‍ ഭാഗത്തെ വീട്ടില്‍ അതിക്രമിച്ചു കയറി തൊഴിലാളികളുടെ ബാഗുകള്‍ മറ്റും തുറന്നു പരിശോധിക്കുന്നതിനിടെ വീട്ടുടമസ്ഥന്‍ കാണുകയും പൊലീസില്‍ അറിയിക്കുകയുമായിരുന്നു. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.
