സിഡ്‌നി: ഓഫിസ് സമയത്തിനുശേഷം വരുന്ന ജോലിസംബന്ധമായ ഫോണുകൾക്കും ഇ-മെയിലുകൾക്കും തടയിട്ട് ഓസ്‌ട്രേലിയ. പലപ്പോഴും തൊഴിലാളികളെ നിസ്സഹായരാക്കുന്ന അവസ്ഥയ്ക്കാണ് ഓസ്‌ട്രേലിയ പരിധി ഏർപെടുത്തിയിരിക്കുന്നത്. ഓഫിസ് സമയത്തിനുശേഷം എല്ലാ ജോലികളും അവഗണിക്കാനുള്ള അവകാശം തൊഴിലാളികള്‍ക്ക് നല്‍കുന്ന ‘റൈറ്റ് ടു ഡിസ്കണക്ട്’ നിയമം ഓസ്‌ട്രേലിയയില്‍ പ്രാബല്യത്തില്‍ വന്നു.
ഇതോടെ, തൊഴിൽ സമയത്തിനുശേഷം വരുന്ന ഓഫിസ് സംബന്ധമായ ഏതൊരുവിധ അന്വേഷണങ്ങൾക്കും മറ്റും തൊഴിലാളി മറുപടി പറയേണ്ടതില്ല. അത് അവഗണിച്ചതിന്റെ പേരിൽ നടപടിയും സ്വീകരിക്കാനാവില്ല. അതേസമയം, ചില ‘അടിയന്തര സാഹചര്യ’ങ്ങളിൽ നിയമത്തിൽ ഇളവ് അനുവദിച്ചിട്ടുമുണ്ട്.
Also Read: ഗാസയിലെ വിവിധ ഭാഗങ്ങളിൽനിന്ന് ഒഴിഞ്ഞുപോകാൻ ഈ മാസം മാത്രം ഉത്തരവിട്ടത് 16 തവണ
ഫ്രാൻസ്, ബെൽജിയം, ഇറ്റലി, അയർലൻഡ് തുടങ്ങിയ രാജ്യങ്ങളിൽ നിലവിൽ ഡിസ്കണക്ട് ചെയ്യാനുള്ള അവകാശം നിയമപരമായിത്തന്നെ അനുവദിച്ചിട്ടുണ്ട്. തൊഴിൽ-ജീവിത സന്തുലിതാവസ്ഥ വീണ്ടെടുക്കാൻ തൊഴിലാളികൾക്ക് ഇതിലൂടെ അവരമൊരുങ്ങും.
