തിരുവനന്തപുരം: തിരുവനന്തപുരത്ത് ഓട്ടോറിക്ഷ തോട്ടിലേക്ക് മറിഞ്ഞ് കാണാതായ യാത്രക്കാരന്റെ മൃതദേഹം കണ്ടെത്തി. മരുതൂർ സ്വദേശി വിജയൻ ആണ് മരിച്ചത്. കഴുനാടുനിന്ന് മരുതൂരിലേക്ക് വരുകയായിരുന്ന ഓട്ടോ കനത്ത മഴയെ തുടർന്ന് കരകവിഞ്ഞൊഴുകിയ തോട്ടിലേക്ക് മറിയുകയായിരുന്നു. വെള്ളിയാഴ്ച വൈകിട്ട് അഞ്ചുമണിയോടെയായിരുന്നു സംഭവം.
ഓട്ടോ ഡ്രൈവറായ സുരേഷിനെ സംഭവസ്ഥലത്തെത്തിയ പൊലീസും ഫയർഫോഴ്സും ചേർന്ന് രക്ഷപ്പെടുത്തിയിരുന്നു. എന്നാൽ അപകടത്തിൽ വിജയനെ കാണാതാവുകയായിരുന്നു. തുടർന്ന് നടത്തിയ തിരച്ചിലിൽ ഇന്നാണ് വിജയൻറെ മൃതദേഹം കണ്ടെത്തിയത്.
