ബേബി ഓയില്‍ ഒരു സൗന്ദര്യ വര്‍ധക വസ്തുവാണ്. കുടുംബത്തില്‍ കുഞ്ഞില്ലെങ്കിലും പല വീടുകളിലും നിങ്ങള്‍ക്ക് ഇത് കാണാന്‍ കഴിയും. അടിസ്ഥാനപരമായി, ബേബി ഓയില്‍ മിനറല്‍ ഓയില്‍ മാത്രമാണ്. മോയ്‌സ്ചറൈസറുകളും സുഗന്ധങ്ങളും ഉള്‍പ്പെടെ എല്ലാ ചര്‍മ്മ സംരക്ഷണ ഉല്‍പ്പന്നങ്ങളിലും കാണപ്പെടുന്ന ഈ ഘടകത്തിന്റെ ഉറവിടം പെട്രോളിയമാണ്. നിങ്ങളുടെ ദൈനംദിന ജീവിതത്തില്‍ ബേബി ഓയില്‍ ഉള്‍പ്പെടുത്താം. ബേബി ഓയില്‍ ഒരു മോയ്‌സ്ചറൈസറായി നിങ്ങള്‍ക്ക് ഉപയോഗിക്കാവുന്നതാണ്. വരണ്ട ചര്‍മ്മം മൃദുലം ആക്കാന്‍ സഹായിക്കുന്നതാണ്. കുഞ്ഞുങ്ങള്‍ക്ക് ഉപയോഗിക്കുന്നത് പോലെ തന്നെ നിങ്ങള്‍ക്കും ഉപയോഗിക്കും. ബേബി ഓയില്‍ ഉപയോഗിക്കുമ്പോള്‍ നമ്മുടെ ശരീരത്തിന് ജലാംശം ലഭിക്കുന്നു.
ബേബി ഓയില്‍ ഷേവിംഗ് ഓയിലായി ഉപയോഗിക്കാം. ക്രീമിന് പകരം ഈ എണ്ണ പുരട്ടി ഷേവ് ചെയ്യാം. ഇത് ഷേവിംഗ് എളുപ്പമാക്കും. ചര്‍മ്മം മിനുസമാര്‍ന്നതായി തോന്നുകയും ചെയ്യും. വാക്സ് ചെയ്തതിന് ശേഷം ബാക്കിനില്‍ക്കുന്ന മെഴുക് നീക്കം ചെയ്യാനും നിങ്ങളുടെ ചര്‍മ്മത്തെ സംരക്ഷിക്കാനും സഹായിക്കും. ഫൂട്ട് കെയര്‍ ഓയലില്‍ ധാരാളം വിറ്റാമിന്‍ ഇ അടങ്ങിയിട്ടുണ്ട്. ഇത് നിങ്ങളുടെ പാദത്തിലെ വിണ്ടുകീറല്‍ പോലെയുള്ള ചര്‍മ്മ രോഗങ്ങള്‍ കുറയ്ക്കാന്‍ സഹായിക്കും. എണ്ണ ചൂടാക്കി നിങ്ങളുടെ പാദങ്ങളില്‍ എല്ലാ ദിവസവും ഈര്‍പ്പമുള്ളതാക്കാനോ പെഡിക്യൂര്‍ ചെയ്യാനോ ഉപയോഗിക്കാം. ബേബി ഓയില്‍ അഴുക്കും മേക്കപ്പും കളയാന്‍ സഹായകമാണ്. ഇത് മേക്കപ്പ് റിമൂവറായി ഉപയോഗിക്കാവുന്നതാണ്. മുഖത്ത് കുറച്ച് എണ്ണ പുരട്ടുക. ഒരു കോട്ടണ്‍ തുണി ഉപയോഗിച്ച് തുടച്ച് കളയാം. അതിന് ശേഷം മുഖം കഴുകുക. നിങ്ങളുടെ പുറംതൊലിയുടെ സംരക്ഷണത്തിന് ബേബി ഓയില്‍ സഹായിക്കുന്നതാണ്. ചര്‍മ്മം മോയ്‌സ്ചറൈസ് ചെയ്യാന്‍, ഒരു കുപ്പി ബേബി ഓയില്‍ എടുക്കുക. നിങ്ങളുടെ വിരലുകളിലും നഖങ്ങളിലും എണ്ണ പുരട്ടുക, വിരലുകളിലും നഖങ്ങളുടെ അടിഭാഗത്തും എണ്ണ തടവുക. ഇങ്ങനെ ചെയ്യുന്നത് ആരോഗ്യകരവും തിളങ്ങുന്നതുമായ നഖങ്ങള്‍ ലഭിക്കാന്‍ സഹായകമാകും.
