മഡ്രിഡ്: എൽ ക്ലാസിക്കോയിലെ തകർപ്പൻ വിജയത്തിന്റെ ചുവട് പിടിച്ച് ചാംപ്യൻസ് ലീഗിലും വിജയത്തേരോട്ടം തുടർന്ന ബാര്‍സിലോണയ്ക്ക് പക്ഷെ സ്പാനിഷ് ലാലിഗയിൽ കാലിടറി. തുടർവിജയങ്ങളുമായി മുന്നേറിയ ഹാൻസി ഫ്ലിക്കിന്റെ ടീമിന് ഈ സീസണിൽ ലാലിഗയിലെ രണ്ടാമത്തെ തോൽവിയാണിത്. റയൽ സോസിദാദാണ് ബാർസയെ തറ പറ്റിച്ചത്. ഏകപക്ഷീയമായ ഒരു ഗോളിന്റെ വിജയം.
33–ാം മിനിറ്റിൽ ഷെറാൾഡോ ബെക്കർ നേടിയ ഗോളാണ് റയൽ സോസിദാദിന് വിജയം സമ്മാനിച്ചത്. ലാലിഗയിൽ ബാർസയെ വീഴ്ത്തി റയൽ സോസിദാദ് മറ്റ മത്സരങ്ങളിൽ അത്‍ലറ്റിക്കോ മഡ്രിഡ് മയ്യോർക്കയെയും (1–0), ജിറോണ ഗെറ്റഫയെയും (1–0) തോൽപ്പിച്ചു. റയൽ ബെറ്റിസ് – സെൽറ്റ വിഗോ മത്സരവും (2–2), റയൽ വല്ലാദോലിദ് – അത്‌ലറ്റിക് ക്ലബ് മത്സരവും (1–1) സമനിലയിൽ അവസാനിച്ചു.
