ശിവകാര്‍ത്തികേയനെ നായകനാക്കി എ ആര്‍ മുരുഗദോസ് ഒരുക്കുന്ന പുതിയ ചിത്രത്തില്‍ നടന്‍ ബിജു മേനോനും ഭാഗമാകും. എസ് കെ 23 എന്ന് താത്കാലികമായി പേര് നല്‍കിയിരിക്കുന്ന സിനിമയില്‍ നടന്‍ സുപ്രധാന കഥാപാത്രത്തെയാകും അവതരിപ്പിക്കുക എന്നാണ് ട്രേഡ് അനലിസ്റ്റുകള്‍ അഭിപ്രായപ്പെടുന്നത്.
14 വര്‍ഷങ്ങള്‍ക്ക് ശേഷമാണ് ബിജു മേനോന്‍ തമിഴില്‍ അഭിനയിക്കുന്നത്. ആക്ഷന്‍ ത്രില്ലര്‍ ജോണറില്‍ കഥ പറയുന്ന ചിത്രമാണ് എസ് കെ 23. രുഗ്മിണി വസന്ത് ആണ് നായികാ കഥാപാത്രത്തെ അവതരിപ്പിക്കുന്നത്. രക്ഷിത് ഷെട്ടി ചിത്രം സപ്ത സാഗര ദാച്ചേ എല്ലോയിലൂടെ ശ്രദ്ധേയയായ താരമാണ് രുഗ്മിണി വസന്ത്.
ശിവകാര്‍ത്തികേയന്റെ കരിയറിലെ ഏറ്റവും ഉയര്‍ന്ന ബജറ്റിലാണ് സിനിമയൊരുങ്ങുന്നത്. ഇത് ആദ്യമായാണ് എ ആര്‍ മുരുഗദോസ്സ് സംവിധാനം ചെയ്യുന്ന ചിത്രത്തില്‍ ശിവകാര്‍ത്തികേയന്‍ അഭിനയിക്കുന്നത്. മുമ്പ് 2014ല്‍ പുറത്തിറങ്ങിയ ‘മാന്‍ കരാട്ടെ’ എന്ന ശിവകാര്‍ത്തികേയന്‍ ചിത്രത്തിന്റെ നിര്‍മ്മാതാവ് മുരുഗദോസ്സായിരുന്നു.
#SK23 Big buzz that Malayalam actor #BijuMenon roped in for @Siva_Kartikeyan –@ARMurugadoss – @anirudhofficial big budget action entertainer? pic.twitter.com/inahQ34p6Q
— Sreedhar Pillai (@sri50) April 25, 2024
