ചെന്നൈ: വന്ദേഭാരത് ട്രെയിനില്‍ ദൈവമുണ്ടോ? ഓ ശെരിയാ മണ്ണിലും വിണ്ണിലും തൂണിലും തുരുമ്പിലും ദൈവമുണ്ടെന്നാണല്ലോ. പറഞ്ഞുവരുന്നത് ബി ജെ പി നേതാവ് വന്ദേ ഭാരതില്‍ ഭജന നടത്തിയതിനെ പറ്റിയാണ്. തെരഞ്ഞെടുപ്പ് പ്രചാരണത്തിനിടെ മുസ്ലീം പള്ളിക്ക് നേരെ അമ്പ് ചെയ്യുന്നത് പോലെ കാണിച്ച് വിവാദത്തിലായ മാധവി ലതയാണ് തിരുപ്പതി ക്ഷേത്രത്തിലേക്കുള്ള യാത്രയ്ക്കിടെ വന്ദേഭാരത് ട്രെയിനില്‍ ഭജന നടത്തിയത്. ഒരു സംഘം ആളുകള്‍ക്കൊപ്പം ആയിരുന്നു മാധവി ലതയുടെ യാത്ര.
ഭജനം നടത്തുന്നതിന്റെ വീഡിയോ വൈറലായതിന് പിന്നാലെ സാമൂഹിക മാധ്യമങ്ങളില്‍ ഇതിനെ അനുകൂലിച്ചും എതിര്‍ത്തും പ്രതികരണങ്ങള്‍ വരുന്നുണ്ട്. അതേസമയം, പോളിങ് ബൂത്തില്‍ കയറി മുസ്ലീം സ്ത്രീകളുടെ കയ്യില്‍ നിന്ന് ഐഡി കാര്‍ഡ് വാങ്ങി, അവരുടെ മുഖപടം മാറ്റാന്‍ ആവശ്യപ്പെടുന്ന ഇവരുടെ വീഡിയോ പുറത്തുവന്നത് ഏറെ വിവാദത്തിലായിരുന്നു.
