റാഞ്ചി: നിയമസഭാ തെരഞ്ഞെടുപ്പിലേക്കുള്ള സ്ഥാനാര്‍ത്ഥി പ്രഖ്യാപനത്തിന് പിന്നാലെ
ഝാര്‍ഖണ്ഡില്‍ ബിജെപിക്ക് തിരിച്ചടി. 2 മുന്‍ ബിജെപി എംഎല്‍എമാര്‍ പാര്‍ട്ടി വിട്ട് ജെഎംഎമ്മില്‍ ചേര്‍ന്നു. ലോയിസ് മറാണ്ഡി, കുനാല്‍ സാരംഗി എന്നിവരാണ് പാര്‍ട്ടി വിട്ടത്. പാര്‍ട്ടിക്കുള്ളില്‍ ആഭ്യന്തര അച്ചടക്കം ദുര്‍ബലമായി എന്ന് ചൂണ്ടിക്കാട്ടിയാണ് ഇരുവരും പാര്‍ട്ടി വിട്ടത്. രാജിക്കത്ത് ബിജെപി അധ്യക്ഷന് കൈമാറിയതായി ഇരുവരും വ്യക്തമാക്കി.
Read Also: പ്രിയങ്ക ഗാന്ധി ഇന്ന് വയനാട്ടില്‍: നാമനിര്‍ദ്ദേശ പത്രിക സമര്‍പ്പണം നാളെ
2014ല്‍ ഹേമന്ത് സോറനെ തെരഞ്ഞെടുപ്പില്‍ പരാജയപ്പെടുത്തിയയാളാണ് മറാണ്ഡി. പാര്‍ട്ടിയുമായി കുറച്ചുകാലം മുന്‍പ് തന്നെ അകലത്തിലായിരുന്ന കുനാല്‍ സാരംഗി ബിജെപി വക്താവ് സ്ഥാനം രാജിവച്ചതും വലിയ വാര്‍ത്തയായിരുന്നു. രണ്ട് ദിവസങ്ങള്‍ക്ക് മുന്‍പ് ബിജെപി എംഎല്‍എ കേദാര്‍ ഹസ്ര പാര്‍ട്ടി വിട്ട് ജെഎംഎലില്‍ ചേര്‍ന്നിരുന്നു. എജിഎസിയു പാര്‍ട്ടി വിട്ട് ഉമാകാന്ത് രാജകും കഴിഞ്ഞ ദിവസം ജെഎംഎമ്മില്‍ ചേര്‍ന്നിരുന്നു.
