മുംബൈ: ബോംബ് ഭീഷണിയെ തുടര്‍ന്ന് എയര്‍ ഇന്ത്യ വിമാനം ഡല്‍ഹിയില്‍ അടിയന്തരമായി ലാന്‍ഡ് ചെയ്തു. യാത്രക്കാര്‍ സുരക്ഷിതരാണെന്ന് എയര്‍ ഇന്ത്യ അറിയിച്ചു. മുംബൈയില്‍ നിന്ന് ന്യൂയോര്‍ക്കിലേക്ക് പോവുകയായിരുന്ന എയര്‍ ഇന്ത്യയ്ക്കാണ് വിമാനം പറന്നുയര്‍ന്നതിന് തൊട്ടുപിന്നാലെ ബോംബ് ഭീഷണി ഉണ്ടായത്.
ഉടനെ തന്നെ വഴിതിരിച്ച് വിട്ട വിമാനം അടിയന്തരമായി ഡല്‍ഹിയില്‍ തിരിച്ചിറക്കുകയായിരുന്നു. സുരക്ഷാപരിശോധനകള്‍ക്കായി ഡല്‍ഹിയിലെ ഇന്ദിരാഗാന്ധി അന്താരാഷ്ട്ര വിമാനത്താവളത്തില്‍ വിമാനം നിര്‍ത്തിയിട്ടിരിക്കുകയാണ്.
