തമിഴിലെ മികച്ച ഹിറ്റ് കോമഡി ചിത്രങ്ങള്‍ ഒരുക്കിയ എം രാജേഷ് ജയം രവിയെ നായകനാക്കി സംവിധാനം ചെയ്യുന്ന പുതിയ ചിത്രമാണ് ‘ബ്രദര്‍’. ദീപാവലി റിലീസ് ആയി ഒക്ടോബര്‍ 31ന് ‘ബ്രദര്‍’ തിയറ്ററിലെത്തും. സീന്‍ മീഡിയ എന്റര്‍ടെയ്ന്‍മെന്റ് പ്രൈവറ്റ് ലിമിറ്റഡിന്റെ ബാനറില്‍ നിര്‍മിച്ച ചിത്രം കേരളത്തിലെത്തിക്കുന്നത് ശ്രീ ഗുരുജ്യോതി ഫിലിംസ്, സാന്‍ഹ സ്റ്റുഡിയോസ് എന്നിവര്‍ ചേര്‍ന്നാണ്. കെ എസ് സെന്തില്‍ കുമാര്‍, വി ഗുരു രമേഷ് എന്നിവരാണ് ചിത്രത്തിന്റെ സഹനിര്‍മ്മാതാക്കള്‍.
ജയം രവി അവതരിപ്പിക്കുന്ന കാര്‍ത്തിക് എന്ന കഥാപാത്രം തന്റെ സഹോദരിയുടെ വീട്ടിലേക്ക് താമസം മാറുന്നതും തുടര്‍ന്നുണ്ടാകുന്ന സംഭവങ്ങളുമാണ് സിനിമയുടെ ഇതിവൃത്തമെന്ന സൂചനയും ട്രെയ്ലര്‍ നല്‍കുന്നുണ്ട്. പ്രിയങ്ക മോഹന്‍ നായികയായി എത്തുന്ന സിനിമയില്‍ ശരണ്യ പൊന്‍വണ്ണന്‍, വി ടി വി ഗണേഷ്, ഭൂമിക ചൗള, യോഗി ബാബു, നാട്ടി സീത, അച്യുത്, റാവു രമേഷ് എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
Also Read:ഹനുമാനായി റിഷഭ് ഷെട്ടി; ‘ജയ് ഹനുമാന്‍’ ഫസ്റ്റ് ലുക്ക് പോസ്റ്റര്‍
സംഗീത സംവിധായകന്‍ ഹാരിസ് ജയരാജാണ് ബ്രദറിന് സംഗീതം ഒരുക്കിയിരിക്കുന്നത്. ചിത്രത്തിലെ ഗാനങ്ങള്‍ക്കെല്ലാം പ്രേക്ഷകരില്‍ നിന്ന് വലിയ സ്വീകാര്യതയാണ് ലഭിക്കുന്നത്. ചിത്രത്തിന്റെ ഛായാഗ്രാഹണം നിര്‍വ്വഹിക്കുന്നത് വിവേകാനന്ദ് സന്തോഷ് ആണ്. എഡിറ്റര്‍ ആശിഷ് ജോസഫ്, ആര്‍ട്ട് ആര്‍ കിഷോര്‍, കൊറിയോഗ്രാഫി സാന്‍ഡി, സതീഷ് കൃഷ്ണന്‍, മേക്കപ്പ് പ്രകാശ്, കോസ്റ്റ്യൂംസ് പ്രവീണ്‍ രാജ, പല്ലവി സിംഗ്, സ്റ്റില്‍സ് മുരുഗദോസ്, ഡിസൈന്‍ ഡിസൈന്‍ പോയിന്റ്, പിആര്‍ഒ പി ശിവപ്രസാദ് എന്നിവരാണ് മറ്റ് അണിയറ പ്രവര്‍ത്തകര്‍.
