ഹരിപ്പാട്: 1.1 കിലോ കഞ്ചാവുമായി നാല് യുവാക്കൾ പിടിയിൽ. വിൽപനക്ക് ആയി കൊണ്ടുവന്ന കഞ്ചാവുമായിട്ടാണ് പിടിയിലായത്. മുതുകുളം വടക്ക് അതുൽ ഭവനത്തിൽ ആർ. അതുൽ (കുലുക്കി -23), ചിങ്ങാലി പട്ടുളശ്ശേരിൽ ഷാസ് മോൻ (19) ചൂളത്തെരുവ് വലിയതറയിൽ അനന്തു (18), പുതിയമംഗലത്ത് അനന്തു (18) എന്നിവരെയാണ് ജില്ല ലഹരി വിരുദ്ധ സ്‌ക്വാഡും കനകക്കുന്ന് പൊലീസും ചേർന്ന് പിടികൂടിയത്.
Also Read: നാല് വയസുകാരിക്കെതിരെ ലൈംഗികാതിക്രമം; 92കാരൻ അറസ്റ്റിൽ
പ്രതികൾ എറണാകുളത്തുനിന്ന് കഞ്ചാവുമായി വരുന്നതായി രഹസ്യ വിവരം ലഭിച്ചതിനെ തുടർന്ന്, മൊബൈൽ ഫോൺ ലൊക്കേഷൻ പിന്തുടർന്നെത്തിയാണ് പ്രതികളെ വലയിലാക്കിയത്. മുതുകുളം വടക്ക് പുതിയമംഗലത്തുള്ള ഇവരുടെ വീട്ടിലെ കിടപ്പുമുറിയിലാണ് ഇവർ കഞ്ചാവ് ഒളിപ്പിച്ചിരുന്നത്. പ്രതികൾക്ക് കഞ്ചാവ് എവിടെനിന്ന് കിട്ടിയെന്ന് അന്വേഷിച്ചു വരുകയാണെന്ന് പൊലീസ് പറഞ്ഞു. പ്രതികളെ റിമാൻഡു ചെയ്തു.
