തിരുവനന്തപുരം: കെഎസ്ആർടിസി സൂപ്പർഫാസ്റ്റ് ബസും സ്കൂട്ടറും കൂട്ടിയിടിച്ച് സ്കൂട്ടർ യാത്രക്കാരന് ദാരുണാന്ത്യം. ശ്രീകാര്യം വെഞ്ചാവോട് സ്വദേശി സെൽവൻ (68) ആണ് മരിച്ചത്. ശ്രീകാര്യം ഇളംകുളത്ത് വച്ച് ഇന്ന് പുലർച്ചെ 5.30 ഓടെയാണ് അപകടം.
പാൽ വിൽപ്പനക്കായി സ്കൂട്ടറിൽ പോകുകയായിരുന്ന സെൽവനെ തിരുവനന്തപുരത്ത് നിന്ന് കോഴിക്കോട്ടേയ്ക്ക് പോയ കെഎസ്ആർടിസിസൂപ്പർഫാസ്റ്റ് ബസ് ഇടിക്കുകയായിരുന്നു. മൃതദേഹം മെഡിക്കൽ കോളേജ് മോർച്ചറിയിലേക്ക് മാറ്റി.
