കോഴിക്കോട്: ഉള്ളിയേരിയിൽ വാഹനാപകടത്തിൽ യുവാവിന് ദാരുണാന്ത്യം. മലപ്പുറം മുന്നിയൂർ സ്വദേശി രതീപ് നായർ (32) ആണ് മരിച്ചത്. തെറ്റായ ദിശയിൽ നിന്ന് അമിത വേഗതയിൽ എത്തിയ ബസ് രതീപ് ഓടിച്ച ബൈക്കിൽ ഇടിക്കുകയായിരുന്നു.
കുറ്റ്യാടി – കോഴിക്കോട് റൂട്ടിൽ സർവീസ് നടത്തുന്ന ഒമേഗ ബസ്സാണ് അപകടമുണ്ടാക്കിയത്. ബസ്സിന്റെ വലതു വശം തട്ടി രതീപ് തെറിച്ചു വീഴുകയായിരുന്നു. ഉടൻ തന്നെ നാട്ടുകാർ ചേർന്ന് യുവാവിനെ മൊടക്കല്ലൂരിലെ സ്വകാര്യ മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
