കോഴിക്കോട്: മനാഫിനെതിരെ അർജുന്റെ കുടുംബം നൽകിയ കേസിൽ അന്വേഷണം നടക്കുന്നുണ്ടെന്ന് പൊലീസ്. മനാഫിന്റെ യുട്യൂബ് പേജും കമന്റും പരിശോധിക്കുന്നുണ്ട്. മനാഫ് കുറ്റക്കാരനല്ലെന്ന് തെളിഞ്ഞാൽ എഫ് ഐ ആറിൽ നിന്ന് ഒഴിവാക്കും.
കുടുംബത്തിന്റെ പരാതിയിലാണ് എഫ് ഐ ആർ ഇട്ടതെന്ന് അന്വേഷണ ചുമതലയുള്ള മെഡി. കോളേജ് എ സി പി പറഞ്ഞു. അതേസമയം ഫൈൻഡ് അർജുൻ എന്ന ആക്ഷൻ കമ്മിറ്റി പിരിച്ചുവിട്ടെന്ന് സംഘാടകർ അറിയിച്ചു.
