കൊച്ചി: കൊച്ചി മട്ടാഞ്ചേരിയിൽ എൽകെജി വിദ്യാർത്ഥിയായ 3 വയസുകാരന് ക്രൂര മർദനം. പാലസ് റോഡിലെ സ്മാർട്ട് കിഡ് എന്ന സ്ഥാപനത്തിലാണ് അധ്യാപിക കുട്ടിയുടെ പുറത്ത് ചൂരലുകൊണ്ട് അടിച്ചത്. അധ്യാപിക ചോദിച്ച ചോദ്യങ്ങൾക്ക് മറുപടി പറയാത്തതിനായിരുന്നു മർദനമെന്നാണ് മാതാപിതാക്കൾ പറയുന്നത്.
അടികൊണ്ട് കുട്ടിയുടെ പുറത്ത് പാടുകൾ വന്നിട്ടുണ്ട്. സംഭവത്തിൽ അധ്യാപികയെ സസ്പെൻ്റ് ചെയ്തിട്ടുണ്ട്. മാതാപിതാക്കളുടെ പരാതിയിൽ മട്ടാഞ്ചേരി പൊലീസ് അധ്യാപികക്കെതിരെ കേസെടുത്ത് അന്വേഷണം തുടങ്ങി.
