വി ശിവദാസൻ എംപിക്ക് യാത്രാനുമതി നിഷേധിച്ച് കേന്ദ്രം

ഡൽഹി: ഡോ. വി ശിവദാസൻ എംപിക്ക് കേന്ദ്ര വിദേശകാര്യ മന്ത്രാലയം യാത്രാനുമതി നിഷേധിച്ചു. വെനസ്വേലയിൽ ചേരുന്ന വേൾഡ് പാർലമെന്ററി കമ്മറ്റി യോ​ഗത്തിന് പോകാനുള്ള യാത്രാനുമതി ആണ് കേന്ദ്രം നിഷേധിച്ചത്. അതേസമയം യാത്രാനുമതി നിഷേധിച്ചതിന്റെ കാരണം കേന്ദ്രം വ്യക്തമാക്കിയിട്ടില്ല. വിദേശകാര്യ മന്ത്രാലയത്തിൻ്റെ നടപടിയിൽ പ്രതികരിക്കാൻ ഇന്ന് 11.30 യ്ക്ക് മാധ്യമങ്ങളെ കാണുമെന്ന് എംപി അറിയിച്ചു.