തിരുവനന്തപുരം: രാജ്യത്തെ എല്ലാ മേഖലകളിലും തൊഴിൽ നിയമങ്ങൾ നടപ്പാക്കണമെന്ന് കേരള മുഖ്യമന്ത്രി പിണറായി വിജയൻ. പൂനെയിലെ ഏണസ്റ്റ് ആൻഡ് യങ്ങിൽ ജോലി ചെയ്തിരുന്ന എറണാകുളം കങ്ങരപ്പടി സ്വദേശി അന്ന സെബാസ്റ്റ്യൻ പേരയിലിൻ്റെ (26) മരണവുമായി ബന്ധപ്പെട്ട് അന്നയുടെ അമ്മ അയച്ച കത്തില്‍ ജോലി സ്ഥലത്ത് ഇളവ് ലഭിക്കാത്തതും അമിത ജോലിഭാരവും സമ്മര്‍ദ്ദവും അനുഭവിച്ചിരുന്നതായി പ്രതിപാദിച്ചിരുന്നു.
ഇതിൽ അന്വേഷണം നടത്തുമെന്നും , കമ്പനി അധികൃതര്‍ ഉറപ്പ് നല്‍കിയതായും മുഖ്യമന്ത്രി പ്രസ്താവനയിൽ പറഞ്ഞു. ജീവനക്കാർ നിരന്തരമായ തൊഴിൽ സമ്മർദ്ദം, തൊഴിൽ അരക്ഷിതാവസ്ഥ, തൊഴിൽ അവകാശ ലംഘനങ്ങൾ എന്നിവ നേരിടുന്ന വിവിധ മേഖലകളിലെ, പ്രത്യേകിച്ച് ഐടി വ്യവസായത്തിലെ നിലവിലെ ചില പ്രശ്‌നങ്ങൾ ഉയർത്തിക്കാട്ടുന്നതിനൊപ്പം, ഉന്നയിച്ച ആശങ്കകൾ കേന്ദ്രത്തെ അറിയിക്കുമെന്ന് മുഖ്യമന്ത്രി ഉറപ്പുനൽകി.
Also Read: കോഴിക്കോട് തെരുവ് നായയുടെ ആക്രമണത്തിൽ നാല് പേർക്ക് പരിക്ക്
അന്ന സെബാസ്റ്റ്യന്‍റെ മരണത്തില്‍ ദുരൂഹതയൊന്നും കണ്ടെത്തിയിട്ടില്ലാത്തതിനാല്‍ സംഭവവുമായി ബന്ധപ്പെട്ട് കേസ് രജിസ്റ്റര്‍ ചെയ്തിട്ടില്ലെന്ന വിവരം ലഭിച്ചതായും മുഖ്യമന്ത്രി പറഞ്ഞു. ഐടി പാർക്കുകളിലെ കമ്പനികൾക്കുള്ള വാടക കരാറുകളിൽ നിലവിലുള്ള തൊഴിൽ നിയമങ്ങൾ പാലിക്കണമെന്ന് നിർബന്ധമാക്കുന്ന ക്ലോസുകളും ഈ വ്യവസ്ഥകൾ പാലിച്ചില്ലെങ്കിൽ നിയമനടപടി സ്വീകരിക്കാൻ ജീവനക്കാരെ അനുവദിക്കുന്നുവെന്നും അദ്ദേഹം ചൂണ്ടിക്കാട്ടി.
Also Read: കള്ളപ്പരാതിയെന്ന് സര്‍ക്കാര്‍ ഹൈക്കോടതിയില്‍
വിശ്രമമില്ലാത്ത ജോലിയും പിരിച്ചുവിടല്‍ ഭീഷണിയും തൊഴില്‍ അവകാശങ്ങളുടെ നിഷേധവുമൊക്കെ ഐ.ടി രംഗത്ത് ഉള്‍പ്പെടെ ചില തൊഴില്‍ മേഖലകളില്‍ ഉണ്ടെന്ന ആക്ഷേപമുണ്ട്. സംസ്ഥാനത്തെ ഐ.ടി പാര്‍ക്കുകളില്‍ പ്രവര്‍ത്തിക്കുന്ന കമ്പനികളുമായി ഒപ്പുവച്ചിട്ടുള്ള പാട്ടക്കരാറില്‍ സംസ്ഥാനത്ത് നിലവിലുളള എല്ലാ തൊഴില്‍ നിയമങ്ങളും പാലിക്കണമെന്ന് ഉത്തരവിട്ടിട്ടുണ്ടെന്നും മുഖ്യമന്ത്രി പറഞ്ഞു.
