ശ്രീനഗര്‍: ജമ്മു കശ്മീരിലെ വീണ്ടും ഏറ്റുമുട്ടല്‍. സോപ്പോറിലെ രാംപോരയിലുണ്ടായ ഏറ്റുമുട്ടലില്‍ ഒരു ഭീകരനെ സുരക്ഷാസേന വധിച്ചു. കൊല്ലപ്പെട്ടത് പാക് ഭീകരനെന്നാണ് സൂചന. മേഖലയില്‍ ഭീകര സാന്നിധ്യത്തെ കുറിച്ചുള്ള വിവരത്തിന്റെ അടിസ്ഥാനത്തില്‍ സേന തിരച്ചില്‍ നടത്തുകയായിരുന്നു. ഈ തിരച്ചിലിനിടയിലാണ് സേനയ്ക്ക് നേരെ വെടിവെപ്പുണ്ടാകുന്നത്. തുടര്‍ന്ന് ഇത് ഒരു ഏറ്റുമുട്ടലിലേക്ക് എത്തുകയുമായിരുന്നു.
കൊല്ലപ്പെട്ട ഭീകരനില്‍ നിന്ന് ആയുധങ്ങളും പിടിച്ചെടുത്തു. ഇപ്പോഴും മേഖല കേന്ദ്രീകരിച്ച് സൈനിക നടപടി പുരോഗമിക്കുകയാണ്. കൂടുതല്‍ ഭീകരര്‍ ഇവിടെയുള്ളതായാണ് സേനയ്ക്ക് ലഭിച്ച വിവരം.
